vafaa ke zakhm ham dhone na paae — Baqi Siddiqui

"apni dhuup mein bhi kuchh jal har saaye ke saath na Dhal lafzon ke phulon pe na jaa dekh saron par chalte hal duniyaa barf kaa tuudaa hai jitnaa jal saktaa hai jal gham ki nahin aavaaz koi kaaghaz kaale kartaa chal ban ke lakirein ubhre hain maathe par raahon ke bal main ne teraa saath diyaa mere munh par kaalak mal aas ke phuul khile 'baaqi' dil se guzraa phir baadal"

"is kaar-e-gah-e-rang mein ham tang nahin kyaa jo sar pe lagaa hai abhi vo sang nahin kyaa tasvir ko tasvir dikhaai nahin jaati is aaina-khaane mein nazar dang nahin kyaa hai halqa-e-jaan apni vafaaon kaa tasavvur is daagh se aage koi farsang nahin kyaa har baat pe ham dete hain ghairon kaa havaala apnaa koi aahang koi rang nahin kyaa bakhshe hue ik ghunT pe ham jhuum rahe hain ab maang ke piinaa bhi koi nang nahin kyaa zakhm-e-dil-e-betaab hai haathon mein nivaala is baat pe duniyaa se miri jang nahin kyaa vo rang nahin shoala-e-ehsaas mein 'baaqi' ham saaz-e-tamannaa se ham-aahang nahin kyaa"

"marhala dil kaa na taskhir huaa tu kahaan aa ke inaan-gir huaa kaam duniyaa kaa hai tir-andaazi ham hue yaa koi nakhchir huaa sang-e-buniyaadi hain ham us ghar kaa jo kisi tarah na taamir huaa safar-e-shauq kaa haasil maalum raasta paanv ki zanjir huaa umr-bhar jis ki shikaayat ki hai dil usi aag se iksir huaa kis se puchhein ki vo andaaz-e-nazar kab tabassum huaa kab tiir huaa kaun ab daad-e-sukhan de 'baaqi' jis ne do sher kahe 'mir' huaa"

"etibaar-e-nazar karein kaise ham havaa mein basar karein kaise tere gham ke hazaar pahlu hain baat ham mukhtasar karein kaise rukh havaa kaa badaltaa rahtaa hai gard ban kar safar karein kaise khud se aage qadam nahin jaataa marhala dil kaa sar karein kaise saari duniyaa ko hai khabar 'baaqi' khud ko apni khabar karein kaise"

"ham to duniyaa se bad-gumaan Thahre aage dil ki khushi jahaan Thahre haae vo qaafile jo luT kar bhi zer-e-divaar-e-gulsitaan Thahre aap ko kaarvaan se kyaa matlab aap to mir-e-kaarvaan Thahre zindagi chaahti hai hangaama aur ham log be-zabaan Thahre kabhi teri talaash mein nikle kabhi ban kar tiraa nishaan Thahre gardish-e-dahr saath saath rahi ham jidhar bhi gae jahaan Thahre har qadam par thaa ik sanam-khaana kyaa bataaein kahaan kahaan Thahre kuchh to kaj-rau jahaan bhi hai 'baaqi' aur kuchh ham bhi qissa-khvaan Thahre"

"subh kaa bhed milaa kyaa ham ko lag gayaa raat kaa dhaDkaa ham ko shauq-e-nazzaaraa kaa parda uThThaa nazar aane lagi duniyaa ham ko kashtiyaan TuuT gai hain saari ab liye phirtaa hai dariyaa ham ko bhiiD mein kho gae aakhir ham bhi na milaa jab koi rasta ham ko talkhi-e-gham kaa mudaavaa maalum paD gayaa zahr kaa chaskaa ham ko tere gham se to sukun miltaa hai apne sho'lon ne jalaayaa ham ko ghar ko yuun dekh rahe hain jaise aaj hi ghar nazar aayaa ham ko ham ki shoala bhi hain aur shabnam bhi tu ne kis rang mein dekhaa ham ko jalva-e-laalaa-o-gul hai divaar kabhi milte sar-e-sahraa ham ko le uDi dil ko nasim-e-sahari bu-e-gul kar gai tanhaa ham ko sair-e-gulshan ne kiyaa aavaara lag gayaa rog sabaa kaa ham ko yaad aai hain barahna shaakhein thaam le ai gul-e-taaza ham ko le gayaa saath uDaa kar 'baaqi' ek sukhaa huaa pattaa ham ko"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"taavil-e-ahd-e-fan hi to vahshat kaa hal nahin pesh-e-nazar junun hai yaaro ghazal nahin ab is ke baad ahd ki taarik raat hai ye ikhtitaam-e-shaam hai subh-e-azal nahin ai dost ishq mansab-e-fahm-o-shuur hai ye irtiqaa hai zehn kaa koi khalal nahin ik umr ratjagon ki aziyyat mein kaaT di ab mere khvaab niind kaa radd-e-amal nahin kyaa kyaa ataa-e-neamat-e-rabb-e-karim hai lekin 'samir' dard kaa nemul-badal nahin"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"kyaa manzil-e-gham simaT gai hai ik aah mein raah kaT gai hai phir saamne hai pahaaD si raat phir shaam se niind uchaT gai hai pahlu mein ye kaisaa dard uThaa hai ye kaun si raah kaT gai hai aap aae nahin to maut kambakht aa aa ke palaT palaT gai hai uTh uTh ke mariz-e-gham ne puchhaa kyaa hijr ki raat kaT gai hai phir 'saif' havaa-e-yaad-e-rafta har gham ki naqaab ulaT gai hai"