vo bistar mein paDi rahi — Nazeer Qaisar

"miTTi pe koi naqsh bhi ubhraa na rahegaa gir jaaegi divaar to saaya na rahegaa aaegaa nazar dhuup mein chhat par vo khule sar galiyon mein ye raaton kaa nikalnaa na rahegaa shaakhon se numu patton se chhin jaaegi khushbu kaT jaaegaa jab peD to kyaa kyaa na rahegaa sochun to koi lafz milegaa na tire naam likkhungaa to kaaghaz koi saada na rahegaa bikhre hue chehron mein khaDaa soch rahaa huun aankhein na raheingi ki tamaashaa na rahegaa miT jaaungaa likhte hue rudaad shab-o-roz jab main na rahungaa miraa afsaana rahegaa kho jaaegi khaamoshi mein aavaaz-e-jaras bhi raahon mein kahin naqsh-e-kaf-e-paa na rahegaa aage bhi dikhaai nahin degi koi manzil aur ghar ko palaTne kaa bhi rasta na rahegaa main harf huun likh lo mujhe aavaaz huun sun lo aate hain vo din jab koi mujh saa na rahegaa"

"moD mahaaraan aa ghar saain suunaa paDaa hai bistar saain main huun tujh bin ism barahna tu mire tan ki chaadar saain phuul miri chhaati se uThaa le bojh baDaa hai dil par saain khaali hai dharti kaa bartan bundein hain chhatri bhar saain do haathon ke pyaale mein hai sahraa aur samundar saain chiDiyaan baarish mein baiThi hain tu hujre ke andar saain jis ko tire lab chuum rahe hain shoala hai yaa patthar saain paDaa huun din ke darvaaze par oDhe raat ki chaadar saain"

"dil-tang huun makaan ke andar paDaa huaa baahar abad kaa qufl hai dar par paDaa huaa mujh par garaan guzarti hai meri sadaa ki guunj chup huun durun-e-gumbad-e-be-dar paDaa huaa mumkin jo ho to ek nazar muD ke dekh le ik naqsh hai zamin pe miT kar paDaa huaa main hi nahin huun din ke bagule ke saath saath suraj ke paanv mein bhi hai chakkar paDaa huaa khul hi gai hai aankh to aavaaz de ke dekh khaamosh kyuun hai shab kaa samundar paDaa huaa baiThaa huaa huun chhup ke havaa ke hisaar mein har-samt hai ghanim kaa lashkar paDaa huaa mujh ko havaaein chalne se pahle sameT lo main rahguzaar mein huun bikhar kar paDaa huaa jaise ho koi mere taaaqub mein raat-din apne vajud kaa hai mujhe Dar paDaa huaa main chhuptaa phir rahaa huun khud apni hi zaat se 'qaisar' miraa azaab hai mujh par paDaa huaa"

"galiyaan udaas khiDkiyaan chup dar khule hue uktaa gayaa huun main to ye sab dekhte hue haathon pe likh ke chumtaa rahtaa huun us kaa naam muddat guzar gai hai jise khat likhe hue khushbu-o-rang aab-o-havaa saaz-o-khaamushi kyaa qaafile hain dasht-e-khalaa mein ruke hue kuchh puchhti hain peDon ki sarsabz Tahniyaan kuchh kah rahe hain raah mein patte gire hue haathon mein le ke chaltaa huun aankhon ki mishalein har samt hain fazaaon mein chehre bane hue muhtaaj-e-abr-o-baad hue ahl-e-khaak-daan har chand is zamin mein the dariyaa chhupe hue ai maavaraa-e-fikr ab aavaaz de ki ham khud se bichhaD gae hain tujhe DhunDte hue"

"gharon mein sabza chhaton par gul-e-sahaab liye havaaein phail gaiin naqsh-o-rang-e-aab liye shab-e-siyaah Dhali subh aashkaar hui jabin pe zakhm liye haath mein gulaab liye main ek Dhaltaa saa saayaa zamin ke qadmon mein tu DhunDne mujhe niklaa hai aaftaab liye guzar gayaa koi pahchaantaa huaa mujh ko puraani yaadon ki shamein pas-e-naqaab liye bikhar ke jaataa kahaan tak ki main to khushbu thaa havaa chali thi mujhe apne ham-rikaab liye ubhar rahe hain kai haath shab ke parde se koi sitaara liye koi maahtaab liye havaaein phirti hain raston mein baal khole hue ye raat sar pe khaDi hai koi azaab liye ajab nahin kahin taabir koi mil jaae bhaTak rahaa huun girah mein hujum-e-khvaab liye"

"kaun huun kyuun zinda huun sochtaa rahtaa huun khvaabon ki duniyaa mein jaagtaa rahtaa huun rang aur khushbu se dhundlaae raston mein havaa ki ungli thaam ke chaltaa rahtaa huun aavaazon ki gaThri sar pe uThaae hue khaamoshi ke ziine chaDhtaa rahtaa huun jahaan se mere jism ko ik din ugnaa hai main us baanjh zamin ko DhunDhtaa rahtaa huun aankhon ki uryaani se chhupne ke liye nae nae malbus pahantaa rahtaa huun subh-o-shaam havaa ki andhi lahron mein zarra zarra ho ke bikhartaa rahtaa huun soi hui raahon mein tanhaa chaand ke saath saari saari raat bhaTaktaa rahtaa huun lauh-e-jahaan par banti bigaDti tahrirein dekhtaa rahtaa huun aur sochtaa rahtaa huun jism-o-jaan ki dhuup se jalte sahraa mein apnaa saaya oDh ke chaltaa rahtaa huun"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"taavil-e-ahd-e-fan hi to vahshat kaa hal nahin pesh-e-nazar junun hai yaaro ghazal nahin ab is ke baad ahd ki taarik raat hai ye ikhtitaam-e-shaam hai subh-e-azal nahin ai dost ishq mansab-e-fahm-o-shuur hai ye irtiqaa hai zehn kaa koi khalal nahin ik umr ratjagon ki aziyyat mein kaaT di ab mere khvaab niind kaa radd-e-amal nahin kyaa kyaa ataa-e-neamat-e-rabb-e-karim hai lekin 'samir' dard kaa nemul-badal nahin"

"chaahe khoTe hain yaa khare hain ham Dast-e-qudrat ke laaDle hain ham 'aks-e-rafta ko dekhiye saahib kitne maa'sum lag rahe hain ham raat jivan kaa giit gaati hai khvaab-e-tanvim dekhte hain ham 'umr lag jaaegi sanbhalne mein kis bulandi se yuun gire hain ham ek hangaam hai taghayyur kaa kunj-e-nisyaan mein paDe hain ham ab bhi mehndi kaa rang gahraa hai sandalin haath par rache hain ham ik tamaashaa hai kaar-zaar-e-hayaat dekh kar ser ho chuke hain ham jhilmilaate hain aarzu ke kanval dil-jharoke se jhaankte hain ham"

"raakh ke Dher pe kyaa shoala-bayaani karte ek qisse ki bhalaa kitni kahaani karte husn itnaa thaa ki mumkin hi na thi khud-nigari ek imkaan ki kab tak nigaraani karte shola-e-jaan ko bujhaate yunhi qatra qatra khud ko ham aag banaate tujhe paani karte phuul saa tujh ko mahaktaa huaa rakhte shab bhar apne saanson se tujhe raat ki raani karte naddiyaan dekhein to bas sharm se paani ho jaaein chashm-e-khun-basta se paidaa vo ravaani karte sab se kahte ki ye qissa hai puraanaa saahab aah ki aanch se tasvir puraani karte dar-o-divaar badalne mein kahaan ki mushkil ghar jo hotaa to bhalaa naql-e-makaani karte koi aa jaataa kabhi yunhi agar dil ke qarib ham tiraa zikr pae-yaad-dahaani karte sach to ye hai ki tire hijr kaa ab ranj nahin kyaa dikhaave ke liye ashk-fishaani karte dil ko har lahza hi di aql pe ham ne tarjih yaar-e-jaani ko kahaan dushman-e-jaani karte shab isi tarah basar hoti hai meri 'irfaan' harf-e-khush-rang ko andoh-e-maaani karte"