vo ki har ahd-e-mohabbat se mukartaa jaae — Alamtaab Tishna

"aaina-khaana bhi andoh-e-tamannaa niklaa ghaur se dekhaa to apnaa hi tamaashaa niklaa zindagi mahfil-e-shab ki thi pas-andaaz-e-sharaab piine baiThe to bas ik ghunT zaraa saa niklaa phir chalaa mausam-e-vahshat mein sar-e-maqtal-e-ishq qura-e-faal mire naam dobaara niklaa daad-e-shaaistagi-e-gham ki tavaqqo be-sud dil bhi kam-bakht taraf-daar usi kaa niklaa hai ajab tarz kaa rahrav dil-e-shorida-qadam jab bhi niklaa safar-e-ishq pe tanhaa niklaa vo raqibon kaa pata puchhne aae mire ghar koi to un se mulaaqaat kaa rasta niklaa dar-ba-dar khvaar hue phirte hain ham hijr-nasib jaan-sipaari kaa bhi kyaa khuub natija niklaa dil mein uThte rahe yaadon ke bagule 'tishna' mujh mein simTaa huaa ik dard kaa sahraa niklaa"

"dard ki ik lahr bal khaati hai yuun dil ke qarib mauj-e-sar-gashta uThe jis tarah saahil ke qarib maa-sivaa-e-kaar-aah-o-ashk kyaa hai ishq mein hai savaad-e-aab-o-aatish dida-o-dil ke qarib dard mein Duubi hui aati hai aavaaz-e-jaras giriya-e-gum-gashtagi suntaa huun manzil ke qarib aarzu naayaaft ki hai silsila-dar-silsila hai numud-e-karb-e-laa-haasil bhi haasil ke qarib kuchh to ai nazzaargaan-e-aish-e-saahil boliye kashtiyaan kitni huiin gharqaab saahil ke qarib hai abhi vaamaandgi ko ik safar darpesh aur hai abhi uftaad-e-manzil aur manzil ke qarib rang-e-hasrat kaa tamaashaa dekhnaa thaa gar tumhein raqs-e-aakhir dekhte tum aa ke bismil ke qarib hain vo sab 'tishna' sar-e-manzil amir-e-kaarvaan jo mile the kaarvaan se aa ke manzil ke qarib"

"sivaae-dar-ba-dari us ko khaak miltaa hai jo aasmaan se apni zamin badaltaa hai main jab bhi ghar se nikaltaa huun raat ko tanhaa charaagh le ke koi saath saath chaltaa hai ajiib hotaa hai nazzaargaan-e-shauq kaa haal ridaa-e-maah pahan kar vo jab nikaltaa hai baru-e-chashm ridaa-e-hijaab taan li jaae vo zer-e-saaya-e-gul pairahan badaltaa hai fareb-e-qurb to dekho ki mere pahlu mein tamaam raat koi karvaTein badaltaa hai guzaar dete hain aavaara-gard aag ke gird jo be-Thikaana hain un kaa bhi kaam chaltaa hai hamaare dam se bhi hai mausamon ki gul-kaari charaagh-e-laala mein dil kaa lahu bhi jaltaa hai main vo shahid-e-vafaa huun ki qatl kar ke mujhe miraa ghanim taassuf se haath maltaa hai hamein nasib huaa aisi manzilon kaa safar qadam qadam pe jahaan raasta badaltaa hai havaa-e-daaman-e-rangin ye kah gai 'tishna' hamaare saamne kis kaa charaagh jaltaa hai"

"hisaar-e-maqtal-e-jaan mein lahu lahu main thaa rasan rasan miri vahshat gulu gulu main thaa jo rah gayaa nigah-e-sozan-e-mashiyyat se qabaa-e-zist kaa vo chaak-e-be-rafu main thaa zamaana hanstaa rahaa meri khud-kalaami par tire khayaal se masruf-e-guftugu main thaa thaa aaine mein shikast-e-ghurur-e-yaktaai ki apne aks ke parde mein hu-ba-hu main thaa tu apni zaat ke har pech-o-kham se puchh ke dekh qadam qadam miri aahaT thi ku-ba-ku main thaa har ek vaadi-o-kohsaar se guzartaa huaa jo aabshaar banaa thaa vo aabju main thaa khutan khutan thi shalang-e-ghazaal mere liye badan badan miraa nashsha subu subu main thaa tamaam umr ki divaangi ke baad khulaa main teri zaat mein pinhaan thaa aur tu main thaa maaal-e-umr-e-mohabbat hai bas yahi 'tishna' miri talaash thaa vo us ki justuju main thaa"

"kis kis se dosti hui ye dhyaan mein nahin un mein se ek bhi mire saamaan mein nahin rasm-e-vafaa kaa us se nibhaanaa bhi hai muhaal tark-e-taalluqaat bhi imkaan mein nahin baandhein kisi se ahd-e-vafaa ham to kis tarah ik taar bhi to apne garebaan mein nahin kyuun ham ne haar maan li kyuun Daal di sipar ye saaneha shikast ke elaan mein nahin ye jaan supurdagi hai usi ek baat par jo baat mere ishq ke paimaan mein nahin shoridgi ko hain sabhi aasudgi nasib vo shahr mein hai kyaa jo bayaabaan mein nahin 'tishna' vo shab likhi hai hamaare nasib mein jis ki sahar kaa zikr bhi imkaan mein nahin"

"ab bhi zarron pe sitaaron kaa gumaan hai ki nahin zer-e-paa ab bhi tire kaahkashaan hai ki nahin ab bhi vo jashn-e-tarab hai ki nahin maqtal mein ik tamaashe ko hujum-e-nigaraan hai ki nahin ab bhi fariyaad-ba-lab hai ki nahin raanda-e-ishq vo hi be-chaargi-e-dil-zadagaan hai ki nahin kahiye nam hai ki nahin chashm-e-nadaamat-aasaar qaafile vaalon ko ehsaas-e-ziyaan hai ki nahin har gul-e-nam ke liye hai ki nahin gardish-e-chaak ye jahaan kaargah-e-kuza-garaan hai ki nahin vo miraa dushman-e-jaan hai ki nahin sang-ba-dast raaegaan koshish-e-sad-shisha-garaan hai ki nahin 'tishna' kuchh sab se judaa hai ki nahin teri ghazal munfarid 'saudaa' kaa andaaz-e-bayaan hai ki nahin"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"