yaad aataa hai ki khud ko naujavaan samjhaa thaa main — Agha Naginwi

"ek kaif-e-sarmadi se kheltaa rahtaa rahun main bandagi mein bandagi se kheltaa rahtaa huun main raat din zinda-dili se kheltaa rahtaa huun main ranj-o-gham mein bhi khushi se kheltaa rahtaa huun main aaj-kal akhtar-shumaaron mein hai meraa bhi shumaar raat mein bhi raushni se kheltaa rahtaa huun main maut mein hi zindagi hai misl-e-parvaana miri shama ki taabindagi se kheltaa rahtaa huun main tauq-e-gardan se milaa zauq-e-giraanbaari mujhe lekin is mehnat-kashi se kheltaa rahtaa huun main banda-e-mazdur ki izzat bachaane ke liye izz-o-jaah-e-qaisari se kheltaa rahtaa huun main baar-e-khaatir ban gai go yaar-e-shaatir ki bisaat lekin us par saadgi se kheltaa rahtaa huun main allah-allah meraa shauq-e-jazb-e-kaamil dekhnaa fikr-e-vahdat mein doi se kheltaa rahtaa huun main vo mire aivaan-e-gham mein zinat-e-guldasta hai phuul ki afsurdagi se kheltaa rahtaa huun main vo ye kahte hain ki fursat mein bahal jaataa hai dil apne ‘ahsan-kaazmi' se kheltaa rahtaa huun main"

"jahaan mein koi haqiqat bhi be-hijaab nahin urus-e-marg ke munh par magar naqaab nahin talab hai husn-e-haqiqi ki fasl-e-gul bar-dosh ye vo kitaab hai jis mein khizaan kaa baab nahin ishaara kun hai haqiqat kaa bahr-e-be-paayaan taayyunaat kaa haasil ba-juz habaab nahin ye aabshaar o gul o kohsaar o maah-o-nujum muzaahire hain magar husn baa-naqaab nahin main be-piye tiri aankhon ko baDh ke chuum na luun rahin-e-minnat-e-mai masti-e-shabaab nahin fareb-e-vahm hai 'aaghaa' ye khud-faraamoshi ba-hosh-baash nazar teri kaamyaab nahin"

"basaae jaate hain ahl-e-junun se viraane rumuz-e-mamlikat-e-husn koi kyaa jaane ye kis ki bazm hai aaraasta khudaa jaane nahin hai shama to kyon jal rahe hain parvaane hai banda hone ke izhaar par bashar majbur pa-e-sujud banein masjidein ki but-khaane na qais dasht mein hai aur na koh mein farhaad par un ke naam se guunj uThte hain ye viraane fuzun hain naghma-e-bulbul se qahqahe gul ke ki intizaam-e-chaman ab kareinge divaane dayaar-e-ishq mein barpaa hai inqilaab-e-azim ye daur vo hai ki apne hue hain begaane chhupaa liyaa rukh-e-anvar hinaai haathon se hamaare dil pe jo guzri tiri balaa jaane sitam hazaar hon zaalim magar dilon ko na toD tire khayaal se aabaad hain ye kaashaane vo haal-e-gham miraa khud mujh se sun ke kahte hain ki sun chuke hain ham aise hazaar afsaane hai baada-noshi se maston ko baad-e-marg bhi rabt ki un ki khaak se yaan ban rahe hain paimaane sanam se haal-e-dil-e-zaar kah to duun 'aaghaa' magar main jaaun kahaan vo agar buraa maane"

"arz-e-matlab ne kiyaa aur bhi kuchh khvaar mujhe jab bhi milte hain sunaa dete hain do-chaar mujhe shauq kartaa hai agar maail-e-raftaar mujhe rok letaa hai miraa tauq-e-giraan-baar mujhe chaaraagar kaisi davaa chheD na bekaar mujhe chhoD bhi de miri haalat pe mire yaar mujhe dekhti hai jo miri nargis-e-bimaar mujhe yaad rahtaa nahin apnaa koi aazaar mujhe husn-e-khvaabida tiri khvaab-gah-e-naaz mein aaj le ke aaya hai miraa taala-e-bedaar mujhe mohtasib ishq nahin aaina ye mujrim hai tu kis ilzaam mein kartaa hai giraftaar mujhe naam-e-haq le ke su-e-manzil-e-maqsad huun ravaan na to vahshat hai na khauf-e-rasan-o-daar mujhe shab gai aai sahar shor-e-azaan hai 'aaghaa' phir kiyaa naara-e-takbir ne bedaar mujhe"

"nashaat kam hai ki saamaan-e-dilkashi kam hai sharik-e-bazm nahin hain to kyaa tumhein gham hai khudi kaa zor hai ehsaas-e-bandagi kam hai ik inqalaab se barham nizaam-e-aalam hai hayaat vaajib-o-mumkin kaa rabt-e-baaham hai hamaare dil ki taDap haasil-e-do-aalam hai fareb jab se mohabbat pe ho gayaa ghaalib ik iztiraab hai bechain ruh-e-aalam hai natija aish-e-musalsal kaa shauq-e-mamnuaat ajab nahin ki ye miraas-e-ibn-e-aadam hai shajar nihaal hain khandaan hain gul khilin kaliyaan chaman mein jaan-e-tamannaa kaa khair-maqdam hai ye har ghaDi ki pareshaan-khayaaliyaan 'aaghaa' tafakkuraat-e-zamaana se naak mein dam hai chhupaa sakaa na mohabbat ke raaz ko 'aaghaa' hazaar zabt kiyaa phir bhi aankh pur-nam hai"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"jahaan-e-dard-o-gham hai aur main huun tiraa naqsh-e-qadam hai aur main huun kisi ki aankh nam hai aur main huun vufur-e-shauq kam hai aur main huun mujhe hai daulat-e-kaunain haasil mire rab kaa karam hai aur main huun main apne aap ko pahchaantaa huun miraa apnaa bharam hai aur main huun yahi kyaa kam hai duniyaa-e-vafaa mein mujhe ehsaas-e-gham hai aur main huun kisi ki yaad kaa ehsaan hai mujh par sukun-e-dil baham hai aur main huun mujhe 'mahmud' koi Dar nahin hai miraa apnaa qalam hai aur main huun"