ye mahshar-e-soz-o-saaz kyaa hai — Shahab Jafri

"be-sar-o-saamaan kuchh apni taba se hain ghar mein ham shahr kahte hain jise hain us ke pas-manzar mein ham shaam Duubi paD rahe suraj ke dar par shab ki shab subh bikhri chal paDe khud ko liye Thokar mein ham aagahi tu ne hamein kin vusaton mein gum kiyaa be-nishaan har mulk mein be-aasraa har ghar mein ham apne hi sahraa mein kho jaaeinge andaaza na thaa baazgasht apni liye phirte hain apne sar mein ham saatvein dar tak pukaar aai khudi ko be-khudi aur har dar se javaab aayaa nahin hain ghar mein ham teri dastak thi ki sannaaTaa vahi har shaam kaa rahrav-e-koh-e-nidaa hain ghar ke baam-o-dar mein ham chaar-su sahraa mein hai dard-e-anassahraa ki guunj kaaT kar apni zabaan rakh aae the patthar mein ham chhaan ye sahraa ghuTi hain is ki chauhad mein sadaaein kaaT ye parbat dabe hain is ki khaakistar mein ham ab hamein bhaataa nahin paiham sadaaon kaa nuzul ab to khud gunje hue hain gumbad-e-be-dar mein ham kiyaan makaan taakaa hai dil ne raat aur din se pare be-zabaan hote chale hain qaid-e-baam-o-dar mein ham jaane is rah-rav ki nazrein kaun si manzil pe hon ek kaanTaa saa khaTakte hain dil-e-rahbar mein ham zahr kaa pyaala ho piinaa yaa uThaani ho salib sadiyon baad aaein magar hote hain is manzar mein ham dasht-dar-dasht aasmaan-bar-dosh chalte hain 'shahaab' ham se banjaare janm apnaa liye Thokar mein ham"

"luTne vaalo dil-e-barbaad ki tauqir na jaae ghar chalaa jaae magar hasrat-e-taa’mir na jaae shahr-e-nau qil’a-e-dil kaisaa khanDar hai ki jahaan koi sayyaah na aae koi rahgir na jaae main to khud khvaabon ko taa'bir se kar duun mahrum khvaab aise hain ki jin se gham-e-taa'bir na jaae shahr se qaafile lauTe hain ye kahte su-e-dasht is kharaabe mein koi saahab-e-tauqir na jaae jaane kis sho'le se gundhi gai miTTi meri aandhiyaan chalti rahin khaak ki tanvir na jaae"

"qaid-e-imkaan se tamannaa thi gamin chhuT gai paanv ham ne jab uThaayaa to zamin chhuT gai liye jaataa hai khalaaon mein jamaal-e-shab-o-roz din kahin chhuT gayaa raat kahin chhuT gai zindagi kyaa thi main ik mauj ke pichhe thaa ravaan aur vo mauj ki saahil ke qarin chhuT gai bud-o-baash apni na puchho ki isi shahr mein ham zindagi laae the ghar se so yahin chhuT gai dil se duniyaa tak ik aisaa hi safar thaa jis mein kahin dil aur kahin duniyaa-e-hasin chhuT gai subh-dam dil ke makaan se sabhi rishte TuuTe dar-o-divaar se fariyaad-e-makin chhuT gai kyaa gharib-ul-vatani si hai gharib-ul-vatani aasmaan saath chalaa ghar ki zamin chhuT gai"

"havas-e-zulf-e-girah-gir liye baiThe hain aayat-e-shauq ki tafsir liye baiThe hain aasmaan saath chalaa ghar ki zamin duur hui tujh se duur ik rah-e-dil-gir liye baiThe hain vajh-e-taazir hui be-vatani bhi jab se ambarin haathon ki tahrir liye baiThe hain aap se aap vo khulti hui zulfein teri ab isi sog ki tasvir liye baiThe hain haae kyaa ahd-e-javaani-o-mohabbat hai ki ham ik na ik marne ki tadbir liye baiThe hain zindagi be-dar-o-divaar makaan hai koi kab se ik hasrat-e-taamir liye baiThe hain koi apnon hi mein qaatil hai to ham chup se 'shahaab' zakhm khaae hue shamshir liye baiThe hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"nahin piitaa main par navaazish hui hai baDi mausamon ki sifaarish hui hai bahut din se sahraa ke jaisaa ye dil hai na baadal ghire hain na baarish hui hai yahaan hai bulandi jo kirdaar ki to vahaan khaal-o-khad ki numaaish hui hai tiri jhiil jaisi jo dekhi hain aankhein miri Duub jaane ki khvaahish hui hai chhalaktaa nahin khuun zakhmon se aise kahin naakhunon ki bhi kaavish hui hai hamein 'ishq mein mubtalaa kar rahe hain nazar aur dil mein ye saazish hui hai vahaan dushmanon ki baDi yaad aai jahaan doston ki navaazish hui hai vafaa-daariyon kaa sila mil rahaa hai hamaari sadaa aazmaaish hui hai pareshaaniyon mein jo ham mubtalaa hain yaqinan koi ham se laghzish hui hai vahin apni aankhon ko ham chhoD aae jahaan manzaron ki numaaish hui hai raqibon ko hai chhuT mahfil mein un ki mire aane jaane pe bandish hui hai ghazal kahnaa 'faaruq' main chhoD dungaa isi baat par un se ranjish hui hai"

"jab se aayaa huun tere gaanv mein rang hi rang hain fazaaon mein aa ki dukh sukh ki koi baat karein baiTh kar shishamon ki chhaanv mein main bhi kartaa huun zabt ki koshish to bhi takhfif kar adaaon mein vo tiraa dafatan bichhaD jaanaa vo miraa dekhnaa khalaaon mein ho agar koi gosh-bar-aavaaz ik khamoshi bhi hai sadaaon mein yahi mere liye ghanimat hai saans le luun khuli fazaaon mein"

"bas ki ik lams ki ummid pe vaare hue hain so tire saamne ye khaak pasaare hue hain jaane kab un ko bujhaa baiThe koi baad-e-alam sar-e-mizhgaan-e-tamannaa jo sitaare hue hain zindagi tu bhi hamein vaise hi ik roz guzaar jis tarah ham tujhe barson se guzaare hue hain nit-nae naqsh karein us pe aziyyat ke raqam aa ki ham takhti-e-dil apni pachaare hue hain kab kuchal jaaein kisi paanv se ham barg-e-vajud vaqt ki dhuup mein vaise hi karaare hue hain jaante hain ki tu hi ishq-badan ko hai libaas ham tiraa ruup jo aashuftagi dhaare hue hain apni jurat ki sataaish ho ki ham chob-mizaaj rabt rakhte hain sadaa un se jo aare hue hain"

"phir bahaar aai hai phir josh mein saudaa hogaa zakhm-e-derinaa se phir khuun Tapaktaa hogaa biiti baaton ke vo naasur hare phir honge baat niklegi to phir baat ko rakhnaa hogaa yurishein kar ke umanD aaeingi suuni shaamein laakh bhaTkein kisi unvaan na saveraa hogaa ji ko samjhaaeinge matvaali havaa ke jhonke phir koi laakh sambhaale na sambhalnaa hogaa kaisi rut aai havaa chalti hai ji Doltaa hai ab to hansnaa bhi taDapne kaa bahaanaa hogaa TuuT jaaegaa ye laachaari-e-daaem kaa fusun aur is tarah ki jaise koi aataa hogaa dil dhaDakne ki sadaa aaegi sune-pan mein duur baadal kahin parbat pe garajtaa hogaa"