ye tark-e-rabt to fardaa pe Taal rakhnaa thaa — Dinesh Kumar Drouna

"kabhi kabhi hi vo mujh se nahin jhagaDtaa hai vagarna dekhtaa hai aur TuuT paDtaa hai miri nazar se to hai duur vo bahut lekin mire khayaal ke haan aas-paas paDtaa hai haraa-bharaa to bahut thaa vo baans kaa jangal kise pataa thaa magar aag bhi pakaDtaa hai yaqin us ki rifaaqat kaa kar rahaa huun main ki jis kaa kaam mere dushmanon se paDtaa hai yahin pe rabt mein aataa hai ek doraahaa yahin pe aa ke miraa raabta bigaDtaa hai main aisi jang mein huun ek aisi jang jahaan miraa khulus hi mere khilaaf laDtaa hai"

"ruvaansi shaam hai baaqi abhi to rat-jage honge unhein khone se pahle jaane kitne vasvase honge vo kahte the nahin ji paaeinge ho kar judaa tum se main aksar sochtaa huun kyaa vo sach-much mar gae honge hamaare TuTne mein aap kaa kuchh bhi nahin maanaa hamin shisha rahe honge hamin patthar rahe honge main un ki yaad mein din bhar yahi sab farz kartaa huun abhi ye kar rahe honge abhi vo kar rahe honge ye lag-bhag ghair-mumkin hai sabhi ko mutmain rakhnaa vo jo sab ki nazar mein hain bhale vo kyaa bhale honge hamaare zehn se pariyon ke qisse kyon nahin jaate baDe to hain magar kyaa ham kabhi sach-much baDe honge paDaa rahne do apne haal par ham ko masihaaon ki sukhe zard patte baarishon se kyaa hare honge"

"aaine ke us taraf se is taraf aate hue 'umr guzri hai khudi ko khud se milvaate hue yuun samajh liije hamaari 'ishq mein bechaargi Duub jaanaa thaa hamein tairaakiyaan aate hue jaane us shab kyaa huaa thaa meri aql-o-hosh ko khud bahakne lag gayaa thaa us ko samjhaate hue be-sabab kuchh bhi nahin thaa be-sabab tanqid bhi vo miTaae jaa rahaa thaa naqsh-e-paa jaate hue aap ke pichhe guzaari zindagi mat puchhiye kaaTni thi kaaT li rote hue gaate hue ab na liije naam us kaa dil ki jis ki zid kiye so gayaa hai thak-thakaa kar rote chillaate hue"

"bahaana kar liyaa phir se hayaa kaa karein kyaa aap ki zaalim adaa kaa 'ibaadat kar rahein hain vo ki yaa'ni khudaa bhi naam lete hain khudaa kaa hamaari kashtiyaan hain baadbaani hamein karnaa paDegaa kuchh havaa kaa sharik-e-jurm hai munsif agar to hamein Dar hi nahin koi sazaa kaa unhin ne maut phailaai thi pahle jinhein byopaar karnaa thaa davaa kaa balaa hai vo balaa haan Thiik hai par koi to toD hogaa is balaa kaa hamaaraa hashr bhi sanjidgi se bahaana DhunDhtaa hai ibtidaa kaa sukhanvar bevafaa ho laazmi hai ta'alluq shaa'iri se kyaa vafaa kaa"

"yuun vahshat-e-junun se bachaayaa gayaa mujhe khalvat se duur bhiiD mein laayaa gayaa mujhe chashma haTaa ke shahr ghumaayaa gayaa mujhe jo thaa nahin vo sab bhi dikhaayaa gayaa mujhe main thaa buzurg peD saa aangan ke biich mein so dekhtaa gayaa jo dikhaayaa gayaa mujhe ik haadse mein jal ke miri maut ho gai main jal chukaa thaa phir bhi jalaayaa gayaa mujhe maqsad thaa un kaa luTnaa mujh ko jue mein so pahle-pahal to yunhi jataayaa gayaa mujhe main thaa charaagh aur miraa meaar dekhne suraj ki raushni mein jalaayaa gayaa mujhe"

"safar ko phir vahin le jaa rahe hain khutut un ke unhein lauTaa rahe hain hamaari maut ke kyaa faaede hain ham apne aap ko samjhaa rahe hain kahaan ke raahbar kaisi masaafat hamein ye log bas Tahlaa rahe hain ghazal sher-o-sukhan kuchh bhi nahin bas ham apne aap se batlaa rahe hain zaraa si baat hai kaisaa tamaasha unhein jaanaa thaa aur vo jaa rahe hain sitam ye hai ki jis ko chhoDnaa hai usi ko saath mein le jaa rahe hain ye kah kar jo bhi chaahoge vo hogaa vo apni baat hi manvaa rahe hain vo jo rahte hain ik dariyaa kinaare vo ham ko tishnagi samjhaa rahe hain ujaalon ke liye kholi thi khiDki magar ghar se andhere jaa rahe hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"nahin piitaa main par navaazish hui hai baDi mausamon ki sifaarish hui hai bahut din se sahraa ke jaisaa ye dil hai na baadal ghire hain na baarish hui hai yahaan hai bulandi jo kirdaar ki to vahaan khaal-o-khad ki numaaish hui hai tiri jhiil jaisi jo dekhi hain aankhein miri Duub jaane ki khvaahish hui hai chhalaktaa nahin khuun zakhmon se aise kahin naakhunon ki bhi kaavish hui hai hamein 'ishq mein mubtalaa kar rahe hain nazar aur dil mein ye saazish hui hai vahaan dushmanon ki baDi yaad aai jahaan doston ki navaazish hui hai vafaa-daariyon kaa sila mil rahaa hai hamaari sadaa aazmaaish hui hai pareshaaniyon mein jo ham mubtalaa hain yaqinan koi ham se laghzish hui hai vahin apni aankhon ko ham chhoD aae jahaan manzaron ki numaaish hui hai raqibon ko hai chhuT mahfil mein un ki mire aane jaane pe bandish hui hai ghazal kahnaa 'faaruq' main chhoD dungaa isi baat par un se ranjish hui hai"

"jab se aayaa huun tere gaanv mein rang hi rang hain fazaaon mein aa ki dukh sukh ki koi baat karein baiTh kar shishamon ki chhaanv mein main bhi kartaa huun zabt ki koshish to bhi takhfif kar adaaon mein vo tiraa dafatan bichhaD jaanaa vo miraa dekhnaa khalaaon mein ho agar koi gosh-bar-aavaaz ik khamoshi bhi hai sadaaon mein yahi mere liye ghanimat hai saans le luun khuli fazaaon mein"

"bas ki ik lams ki ummid pe vaare hue hain so tire saamne ye khaak pasaare hue hain jaane kab un ko bujhaa baiThe koi baad-e-alam sar-e-mizhgaan-e-tamannaa jo sitaare hue hain zindagi tu bhi hamein vaise hi ik roz guzaar jis tarah ham tujhe barson se guzaare hue hain nit-nae naqsh karein us pe aziyyat ke raqam aa ki ham takhti-e-dil apni pachaare hue hain kab kuchal jaaein kisi paanv se ham barg-e-vajud vaqt ki dhuup mein vaise hi karaare hue hain jaante hain ki tu hi ishq-badan ko hai libaas ham tiraa ruup jo aashuftagi dhaare hue hain apni jurat ki sataaish ho ki ham chob-mizaaj rabt rakhte hain sadaa un se jo aare hue hain"

"phir bahaar aai hai phir josh mein saudaa hogaa zakhm-e-derinaa se phir khuun Tapaktaa hogaa biiti baaton ke vo naasur hare phir honge baat niklegi to phir baat ko rakhnaa hogaa yurishein kar ke umanD aaeingi suuni shaamein laakh bhaTkein kisi unvaan na saveraa hogaa ji ko samjhaaeinge matvaali havaa ke jhonke phir koi laakh sambhaale na sambhalnaa hogaa kaisi rut aai havaa chalti hai ji Doltaa hai ab to hansnaa bhi taDapne kaa bahaanaa hogaa TuuT jaaegaa ye laachaari-e-daaem kaa fusun aur is tarah ki jaise koi aataa hogaa dil dhaDakne ki sadaa aaegi sune-pan mein duur baadal kahin parbat pe garajtaa hogaa"