yuun ibtilaa-e-baar-e-digar kaa pata chalaa — Alimullah Hali

"baadalon ke beach thaa main be-sar-o-saamaan na thaa tishnagi kaa zahr pi lenaa koi aasaan na thaa kyaa qayaamat-khez thaa dariyaa mein maujon kaa hujum saahilon tak aate aate phir kahin tufaan na thaa jaane kitni duur us ki lahar mujh ko le gai main samajhtaa thaa ki vo dariyaa-e-be-paayaan na thaa har taraf patjhaD ki aavaazon ki chaadar tan gai dasht mein meri sadaa kaa jism bhi uryaan na thaa is ke rang-o-saut ke jugnu the daaman mein 'alim' kho ke sab kuchh aane vaalaa bhi tahi-daamaan na thaa"

"safar hai zehn kaa to koi rahnumaa le jaa miraa sukut na ho to mari sadaa le jaa har ek samt hai dasht-e-sukut ki vusat bachaa ke ye ravish-e-arz-e-muddaaa le jaa main zer-e-sang isi tirgi mein ji lungaa tu apni narm shuaaon kaa qaafila le jaa kuchh aur chaaT le sahraa-e-gumrahi kaa namak jo aa gayaa hai tu raahon kaa zaaiqa le jaa bikhar ke chhuT na jaaun tiri giraft se main sambhaal kar mujhe ai mauj-e-khush-adaa le jaa"

"naa-shanaasi kaa hamesha gham rahaa aaina bhi apnaa naa-mahram rahaa aag hai us par hai ye be-shoalagi apne jalne kaa ajab aalam rahaa saare unche ghar havaa ki zad mein the meraa malba thaa jo mustahkam rahaa main bhi sail-e-aarzu mein bah gayaa vo bhi gharq-e-garmi-e-shabnam rahaa ham gire bhi to anaa ke ghaar mein TuTte par bhi vahi dam-kham rahaa ab hai 'haali' be-niyaazi kaa khalaa ab kahaan ehsaas-e-besh-o-kam rahaa"

"us kaa gham apni talab chhin ke le jaaegaa dard ban kar miri rag rag mein utar aaegaa regzaaron se pare kheinch rahaa hai koi jaane kas dasht mein dariyaa mujhe bhaTkaaegaa bhuul jaaungaa main jab apni navaaon ki kasak us ki aankhon mein lahu meraa utar aaegaa koi patthar kaa nishaan rakh ke judaa hon ham tum jaane ye peD kis aandhi mein ukhaD jaaegaa"

"hai gham-e-hijr na ab zauq-e-talab kuchh bhi nahin aaj tum lauT ke aae ho ki jab kuchh bhi nahin tere Thukraane ki nisbat se hue hain mashhur ham faqiron kaa yahaan naam-o-nasab kuchh bhi nahin aaj ye baar-e-mulaaqaat uThegaa kyun-kar us se milnaa hai pa milne kaa sabab kuchh bhi nahin ek aavaaz ne toDi hai khamoshi meri DhunDhtaa huun to pas-e-saahil-e-shab kuchh bhi nahin"

"judaa kiyaa to bahut hi hansi-khushi us ne badal diyaa hai ab andaaz-e-be-rukhi us ne vo rang rang uDaa khushbuon mein phail gayaa jhaTak diyaa hai miraa daaman-e-tahi us ne jise sunaa ke mujhe khauf-e-sar-zanish saa rahaa usi kalaam pe baDh-chaDh ke daad di us ne vo mere saath shuru-e-safar chalaa thaa magar hujum-e-shahr mein li raah aur hi us ne huaa huun jurat-e-jurm-e-vafaa se bhi mahrum sazaa ye di ki khataa meri bakhsh di us ne ab apni koi sadaa hai na apnaa koi pata pilaa diyaa hai mujhe zahr-e-aagahi us ne dar-e-sukut pe 'haali' bahut hai shor-e-sadaa bapaa kiyaa hai vo tufaan-e-khaamushi us ne"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"

"aakhiri hal thaa yahi pesh-e-nazar jaane diyaa ek gahri saans li phir khvaab mar jaane diyaa saarbaanaa de gavaahi mujh ko pyaari thi anaa rakh liyaa zaad-e-safar aur ham-safar jaane diyaa hazrat-e-naaseh ki khush-uftaadgi pe daad hai khud jidhar se aae the sab ko udhar jaane diyaa is harim-e-naaz mein yuun be-mahaabaa guftugu kuchh bharam rakkhaa to hotaa tum ko gar jaane diyaa tujh ko rokaa jaa rahaa thaa raushni thi jab talak shaam ke Dhalte samay suraj ko ghar jaane diyaa aankh sapne dekhti thi aansuon se kyon bhari chaahti to puchh leti main magar jaane diyaa dostaa qismat na ho to koshishein bekaar hain sabr kaa paimaana ham ne khud hi bhar jaane diyaa dil musir thaa baarhaa kuchh jaanchne ko ruk gae aakhirash us ne hamein baar-e-digar jaane diyaa"

"aisaa to yahaan kuchh bhi nahin hadd-e-nazar tak ham ko to pahunchnaa thaa kisi khvaab-nagar tak ab paanv nahin raah mein dil thakne lagaa hai lekin hamein chalnaa to hai anjaam-e-safar tak ham shor bhi sunte hain samaaat se bahut kam aavaaz bhi jaati hai to bas hadd-e-nazar tak mumkin hai main ab sabr kaa ye peD giraa duun jab haath pahunchtaa hi nahin shaakh-e-samar tak ham apne hi mausam se parakhte hain jahaan ko maahaul kaa lete hi nahin koi asar tak main apne hi andar ki taraf chikh rahaa huun ab dekhiye jaati hai ye aavaaz kidhar tak"

"tire jamaal se ham runumaa nahin hue hain chamak rahe hain magar aaina nahin hue hain dhaDak rahaa hai tu ik ism ki hai ye barakat vagarna vaaqiye is dil mein kyaa nahin hue hain bataa na paaein to khud tum samajh hi jaao ki ham bilaa javaaz to be-maajraa nahin hue hain tiraa kamaal ki aankhon mein kuchh zabaan pe kuchh hamein to moajize aise ataa nahin hue hain ye mat samajh ki koi tujh se munharif hi nahin abhi ham ahl-e-junun lab-kushaa nahin hue hain ba-naam-e-zauq-e-sukhan khud-numaai aap karein ham is maraz mein abhi mubtalaa nahin hue hain hami vo jin kaa safar maavaraa-e-vaqt-o-vajud hami vo khud se kabhi jo rihaa nahin hue hain khud-aagahi bhi khaDi maangti hai apnaa hisaab junun ke qarz bhi ab tak adaa nahin hue hain kisi ne dil jo dukhaayaa kabhi to ham 'irfaan' udaas ho gae lekin khafaa nahin hue hain"

"ba-zom-e-aql ye kaisaa gunaah main ne kiyaa ik aainaa thaa usi ko siyaah main ne kiyaa ye shahr-e-kam-nazaraan ye dayaar-e-be-hunaraan kise ye apne hunar kaa gavaah main ne kiyaa harim-e-dil ko jalaane lagaa thaa ek khayaal so gul use bhi ba-yak sard aah main ne kiyaa vahi yaqin rahaa hai javaaz-e-ham-safari jo gaah us ne kiyaa aur gaah main ne kiyaa bas ek dil hi to hai vaaqif-e-rumuz-e-hayaat so shahr-e-jaan kaa use sarbaraah main ne kiyaa har ek ranj usi baab mein kiyaa hai raqam zaraa saa gham thaa jise be-panaah main ne kiyaa ye raah-e-ishq bahut sahl ho gai jab se hisaar-e-zaat ko paivand-e-raah main ne kiyaa ye umr ki hai basar kuchh ajab tavaazun se tiraa huaa na hi khud se nibaah main ne kiyaa khirad ne dil se kahaa tu junun-sifat hi sahi na puchh us ki ki jis ko tabaah main ne kiyaa"

"faqat saje hue divaar-o-dar kaa kyaa matlab jahaan sukun nahin aise ghar kaa kyaa matlab kisi ke kaam na aae to zar kaa kyaa matlab na phal na chhaanv hai aise shajar kaa kyaa matlab na raaston kaa Thikaana na manzilon kaa pataa tire baghair mire is safar kaa kyaa matlab koi hayaat ke maani bataa ke samjhaae tavil kyaa hai bhalaa mukhtasar kaa kyaa matlab"