yuun miri taba se hote hain maaani paidaa — Akbar Allahabadi

"fitna uTThe koi yaa ghaat mein dushman baiThe kaar-e-ulfat pe to ab hazrat-e-dil Than baiThe shaikh kaa'be mein kalisaa mein barahman baiThe ham to kuche mein tire maar ke aasan baiThe su-e-daulat nazar aai na jo raah-e-e'zaaz masnad-e-sabr-o-tavakkul hi pe ham tan baiThe huun main vo rind agar hashr mein mulzim Thahrun faisle ke liye huron kaa commission baiThe inqilaab-e-ravish-e-charkh ko dekh ai 'akbar' kal jo the dost mire aaj 'adu ban baiThe hind se aap ko hijrat ho mubaarak 'akbar' ham to gangaa hi pe ab maar ke aasan baiThe"

"rahaa kartaa hai murgh-e-fahm shaaki nai tahzib ke anDe hain khaaki chhuri se un ki kaTvaa kar falak ne khudaa jaane hamaari naak kyaa ki abhi engine gayaa hai is taraf se kahe deti hai taariki havaa ki rahi raat asia ghaflat mein soti nazar europe ki kaam apnaa kiyaa ki"

"muntashir zarron ko yakjaai kaa josh aaya to kyaa chaar din ke vaaste miTTi ko hosh aaya to kyaa aarzi hain mausam-e-gul ki ye saari mastiyaan laala gulshan mein agar saaghar-ba-dosh aaya to kyaa daur-e-aakhir bazm-e-duniyaa kaa hai jaam-e-khun-e-dil taish is mahfil mein ban kar baada-nosh aaya to kyaa hadd-e-hairat hi mein rakkhaa zo'f ne idraak ko paikar-e-khaaki ko is 'aalam mein hosh aaya to kyaa"

"jiine mein ye ghaflat fitrat ne kyon tab'-e-bashar mein daakhil ki marne ki musibat jaanon par kyon qudrat-e-haq ne naazil ki kyon tul-e-amal mein uljhaayaa insaan ne apne daaman ko kyon zulf-e-havas ke phande mein phansti hai tabi'at ghaafil ki kyon hijr ke sadme hote hain kyon murdon pe zinde rote hain kyon jang mein jaanein jaati hain kyon baDhti hai himmat qaatil ki mantiq kaa to daa'vaa ek taraf taaqat ki ye shokhi ek taraf kyaa farq hai khair-o-shar mein yahaan kyaa jaanch hai haqq-o-baatil ki"

"hasti ke shajar mein jo ye chaaho ki chamak jaao kachche na raho balki kisi rang mein pak jaao main ne kahaa qaail main tasavvuf kaa nahin huun kahne lage is bazm mein aao to thirak jaao main ne kahaa kuchh khauf collector kaa nahin hai kahne lage aa jaaein abhi vo to dubak jaao main ne kahaa varzish ki koi had bhi hai aakhir kahne lage bas is ki yahi had hai ki thak jaao main ne kahaa afkaar se pichhaa nahin chhuTtaa kahne lage tum jaanib-e-mai-khaana lapak jaao main ne kahaa 'akbar' mein koi rang nahin hai kahne lage she'r us ke jo sun lo to phaDak jaao"

"duniyaa mein huun duniyaa kaa talabgaar nahin huun baazaar se guzraa huun kharidaar nahin huun zinda huun magar ziist ki lazzat nahin baaqi har-chand ki huun hosh mein hushyaar nahin huun is khaana-e-hasti se guzar jaaungaa be-laus saaya huun faqat naqsh-ba-divaar nahin huun afsurda huun ibrat se davaa ki nahin haajat gham kaa mujhe ye zoaf hai bimaar nahin huun vo gul huun khizaan ne jise barbaad kiyaa hai uljhun kisi daaman se main vo khaar nahin huun yaa rab mujhe mahfuz rakh us but ke sitam se main us ki inaayat kaa talabgaar nahin huun go daava-e-taqvaa nahin dargaah-e-khudaa mein but jis se hon khush aisaa gunahgaar nahin huun afsurdagi o zoaf ki kuchh had nahin 'akbar' kaafir ke muqaabil mein bhi din-daar nahin huun"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"aakhiri hal thaa yahi pesh-e-nazar jaane diyaa ek gahri saans li phir khvaab mar jaane diyaa saarbaanaa de gavaahi mujh ko pyaari thi anaa rakh liyaa zaad-e-safar aur ham-safar jaane diyaa hazrat-e-naaseh ki khush-uftaadgi pe daad hai khud jidhar se aae the sab ko udhar jaane diyaa is harim-e-naaz mein yuun be-mahaabaa guftugu kuchh bharam rakkhaa to hotaa tum ko gar jaane diyaa tujh ko rokaa jaa rahaa thaa raushni thi jab talak shaam ke Dhalte samay suraj ko ghar jaane diyaa aankh sapne dekhti thi aansuon se kyon bhari chaahti to puchh leti main magar jaane diyaa dostaa qismat na ho to koshishein bekaar hain sabr kaa paimaana ham ne khud hi bhar jaane diyaa dil musir thaa baarhaa kuchh jaanchne ko ruk gae aakhirash us ne hamein baar-e-digar jaane diyaa"

"tire jamaal se ham runumaa nahin hue hain chamak rahe hain magar aaina nahin hue hain dhaDak rahaa hai tu ik ism ki hai ye barakat vagarna vaaqiye is dil mein kyaa nahin hue hain bataa na paaein to khud tum samajh hi jaao ki ham bilaa javaaz to be-maajraa nahin hue hain tiraa kamaal ki aankhon mein kuchh zabaan pe kuchh hamein to moajize aise ataa nahin hue hain ye mat samajh ki koi tujh se munharif hi nahin abhi ham ahl-e-junun lab-kushaa nahin hue hain ba-naam-e-zauq-e-sukhan khud-numaai aap karein ham is maraz mein abhi mubtalaa nahin hue hain hami vo jin kaa safar maavaraa-e-vaqt-o-vajud hami vo khud se kabhi jo rihaa nahin hue hain khud-aagahi bhi khaDi maangti hai apnaa hisaab junun ke qarz bhi ab tak adaa nahin hue hain kisi ne dil jo dukhaayaa kabhi to ham 'irfaan' udaas ho gae lekin khafaa nahin hue hain"

"dam-ba-khud meri anaa teri adaa bhi dam-ba-khud tere pahlu mein rahaa main aur rahaa bhi dam-ba-khud dekhiye pahle lahu Tapke ki phailein kirchiyaan dam-ba-khud teri nazar bhi aaina bhi dam-ba-khud itnaa sannaaTaa ki jaise avvalin shaam-e-firaaq dam-ba-khud hai aasmaan bhi aur havaa bhi dam-ba-khud yaad hai tujh ko vo pahle lams ki hiddat ki jab rah gai thi dafatan teri hayaa bhi dam-ba-khud ek se aalam mein donon mukhtalif asbaab se dam-ba-khud teraa karam meri duaa bhi dam-ba-khud aisaa lagtaa hai ki donon se nahin nisbat mujhe dam-ba-khud umr-e-ravaan sail-e-fanaa bhi dam-ba-khud khauf-e-tajdid-e-taaluq darmiyaan haail rahaa dam-ba-khud teraa sitam meraa galaa bhi dam-ba-khud yuun gumaan hotaa hai donon ki tavaqqoa ek thi dam-ba-khud teri vafaa meri sazaa bhi dam-ba-khud jab khule meri haqiqat tum vo manzar dekhnaa dam-ba-khud naa-aashnaa bhi aashnaa bhi dam-ba-khud"