zamin bain kare aasmaan bain kare — Hijr Moumin

"bas paikar-e-jaanaan pe nazar khinch rahaa huun main saans suhulat se agar khinch rahaa huun jo teri mohabbat kaa gham-e-hijr hai us ko khushiyon se ghaTaaun to sifar khinch rahaa huun main apne muqaddar ko tire haath pe rakh kar manzil se lagaataar safar khinch rahaa huun main khinch rahaa huun kisi pencil se tiraa husn phir saath hi us ke main rubber khinch rahaa huun ik samt se tujh ko vo udhar khinch rahaa hai ik samt se tujh ko main idhar khinch rahaa huun nabiyon mein farishton kaa hunar dekhte hain log main un mein chhupaa ek bashar khinch rahaa huun tum paDh rahe ho sher mire lafz samajh kar naadaan main magar khun-e-jigar khinch rahaa huun"

"hamin na hote to hoti kahaan ki viraani makin ke hone se hi hai makaan ki viraani ziyaan nafaa lisaan-o-zabaa,n ki viraani tire baghair hai aah-o-fughaan ki viraani tire gumaan se meraa yaqin viraan hai mire yaqin se hai tire gumaan ki viraani tumhaare saath hai duniyaa-o-aakhirat meri tumhaare baad mire do jahaan ki viraani tamaam raat koi phuuT phuuT kar royaa tamaam shab thi kisi aastaan ki viraani"

"kaam pahli hi mulaaqaat mein kar jaataa huun aankh mein aate hi main dil mein utar jaataa huun pahle likhtaa huun koi sher bahut mushkil se aur phir us ko sunaate hue mar jaataa huun yuun to tufaan bhi ghabraate hain mujh se lekin aap jab shor machaataa huun to Dar jaataa huun aise chhup-chhup ke lagaataar tire kuche mein meraa jaanaa to nahin bantaa magar jaataa huun saaraa din guzre hai ab khud ko ikaTThaa karte raat hoti hai to main phir se bikhar jaataa huun"

"tu aasmaan main huun zamin man-digram-tu-digri teraa miraa rishta nahin man-digram-tu-digri tu zinda-o-paainda hai main khaak kaa huun mustahiq tu laa-makaan kaa hai makin man-digram-tu-digri ai meri shaakh-e-yaasmin tujh ko nahin mujh par yaqin mujh ko hai bas tujh par yaqin man-digram-tu-digri dikhti hai mujh ko har taraf allaah ki kaarigari avval namuna hain hamin man-digram-tu-digri tu saamne kuchh aur hai kuchh aur hai tu baad-azaan kahnaa mujhe hai aakhirin man-digram-tu-digri ham ho gae mahlul ab ik dusre mein jaan-e-jaan taa-kas na goyad baad-azin man-digram-tu-digri hain raas mujh ko talkhiyaan tujh ko hain bhaati narmiyaan main aur tu yaksaan nahin man-digram-tu-digri"

"zinda hain magar zindagi aasaan nahin hai ham ko koi khvaahish koi armaan nahin hai ik ham ki jo likhte hain tire naam pe ghazlein ik tu ki jise sher ki pahchaan nahin hai andar ke sab ahvaal kaa allaah hi hai haafiz baahar se koi chaak garebaan nahin hai jannat ki koi huur hai yaa nur-e-khudaa hai vo husn magar paikar-e-insaan nahin hai mumkin hai ki aage ho use mujh se mohabbat filhaal to aisaa koi imkaan nahin hai quraan to paDhte hain kai log yahaan 'hijr' har shakhs magar saahib-e-quraan nahin hai"

"daad-o-dahish kaa aap ki khugar nahin huun main be-saakhta sukhan huun muqarrar nahin huun main taarif tere husn ki aati hai ghaib se mere qalam ke saath to yaksar nahin huun main masrufiyat kaa mujh pe yuun hamla huaa ki ab khud apne aap ko bhi mayassar nahin huun main bande tu andhi duniyaa mein hai kis ko DhunDhtaa andar se mujh ko DhunD ki baahar nahin huun main tu bhi kabhi vahaan se miraa haal-chaal puchh har baar tere baap kaa naukar nahin huun main sote hain ek saath hi main aur iztiraab aaegi niind jis mein vo bistar nahin huun main tu sar se le ke paanv taa puuri ghazal hai aur tere radif ke bhi baraabar nahin huun main"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"