zaraa kijiye ghaur hazrat-salaamat — Nayan Sukh

"bahuton ne jise arsh pe be-jaan mein dekhaa ham ne to use jite-ji is jaan mein dekhaa majnun thaa ham-aaghosh liye lailaa ko apni yaaro ye tamaashaa main bayaabaan mein dekhaa jaave bhi phir aave bhi kai shakl se har baar chakkar mein kahaan par ye mazaa taan mein dekhaa faaqa hi rahe roz na kuchh khaanaa na piinaa ye daur main ne hazrat-e-ramazaan mein dekhaa sab raat laDein TonTe chhachhundar ki laDaai bhaunchappaa main ne chhuTte shaabaan mein dekhaa go meve hazaaron hain aur hain neamatein laakhon par sab se saris ham ne mazaa naan mein dekhaa har sher taDaaqe kaa har ik baat tamaashaa aisaa to main ne saudaa ke divaan mein dekhaa har nafs ko hairaan kare sovte jagte is fan ko main ne hazrat-e-shaitaan mein dekhaa kuchh baat kahe hans ke to jhaDte hain nire phuul lahza ye tire is lab-e-khandaan mein dekhaa hanste hi kare der na laDte hi kare der ye taur tiraa tiflak-e-naadaan mein dekhaa go sarv tire qad kaa saa mauzun to nahin hai par kahne ko laachaar main bustaan mein dekhaa jo chaah-e-zanakh biich giraa phiir na niklaa aisaa to kai baar main har aan mein dekhaa kuche kaa gayaa tere koi phirtaa nahin hai main khuub hi kar ghaur garebaan mein dekhaa tujh chashm ki tashbih ko nargis kaa zikar kyaa sau baar use main ne gulistaan mein dekhaa"

"vaajibi baat kahin zaraa kahiye buri lagti hai sab ko kyaa kahiye mujh ko ik ye baDi si hairat hai bure ko kis tarah bhalaa kahiye neki kaa phal badi lagaa hone is zamaane kaa kyaa gila kahiye charkh-e-zaalim ne sab ko Daalaa piis is ko tahqiq aasiyaa kahiye aur hi ahvaal dekhtaa huun main kis ke aage ye maajraa kahiye jaa-ba-jaa chhuTein jhuuT ke shishe ye bhi yaaron kaa ishqalaa kahiye ammi kahte hain ham to hain faazil bevaqufon kaa dar khulaa kahiye apni karte hain aap hi taa'rif un ke taiin ko to chutiyaa kahiye be-shuuri pe bas-ki hain naazaan kyuun na ab un ko naa sazaa kahiye shaikh-ji ne kiyaa hai aaj khizaab is ko buDhe kaa chochalaa kahiye logon ke phoDtaa phire shishe mohtasib ko to maskharaa kahiye poch paadar huaa bake hai sukhan naaseh ko khvaah-makhvaah saDaa kahiye apnaa sar phoDtaa hai aap raqib shauq se is ko mud-jhaDaa kahiye maare khandon ke mard-e-aadam ko koi puchhe nahin hai kyaa kahiye DaaDhi mullaa ki go ki hai khu-gir par mahaadev ki jaTaa kahiye jin ki hurmat pe kuchh nahin hai nigaah in ko paa-posh kaa talaa kahiye chhupte phirte hain vaqt-e-jang-o-jadal buzdilaa un ko barmalaa kahiye khud-pasandi mein gharq hai 'aalam 'nayan' ko kis ko ab buraa kahiye"

"fasl-e-gul mein har ghaDi ye abr-o-baaraan phir kahaan dekh lo khush ho ke yaaraan ye bahaaraan phir kahaan hai saaadat qumriyo us ke tasadduq ho chalo varna koi din ko ye sarv-e-khiraamaan phir kahaan aaj aati hai nazar mujh dil ke shishe mein pari dekh lo lahza mein ye surat numaayaan phir kahaan main chaman mein pi ke mai ko is liye kartaa huun sair kaun jaane saaqiyaa ye gul-azaaraan phir kahaan qaul hai hazrat 'yaqin' kaa tab to yuun kahtaa hai 'nain' bhar ke dil ro lijiye ye chashm-e-giryaan phir kahaan"

"yaar kaa vasl-e-shabaa-shab na huaa thaa so huaa saaghar ishq-e-labaa-lab na huaa thaa so huaa le chukaa dil ko vo mujh haath se tab main ne kahaa is qadar teraa mataalib na huaa thaa so huaa jaur aur zulm se duniyaa mein ye khubaan kaa ism bevafaai kaa mulaqqab na huaa thaa so huaa karnaa taskhir har ik dil ko do ik baaton mein is tarah kaa bhi ajaaib na huaa thaa so huaa roz lagtaa hai tire kaan se jaa jaa ke raqib kasu kaa itnaa maraatib na huaa thaa so huaa ghairon ki bar mein tire ab to ye kuchh kasrat hai yaa'ni har koi musaahib na huaa thaa so huaa mehr ustaad ki se dekho to is 'nain' ke taiin sher kahne kaa kabhi Dhab na huaa thaa so huaa"

"jafaa kaa us ki gilaa mat karo huaa so huaa khudaa ke vaaste chupke raho huaa so huaa sunegaa vo to khafaa hogaa phir nae sar se kasu ke kaan mein kuchh mat kaho huaa so huaa ye guftugu jo karo ho so kuchh bhali nahin hai kisi se fel-e-abas mat laDo huaa so huaa mujhe to paak mohabbat hai mat karo badnaam kahin khudaa ke ghazab se Daro huaa so huaa phire hai vo to sipar saif le are yaaro kisi se qaziya na ho dekhiyo huaa so huaa ye maraz-e-ishq hai is ki davaa karo mauquf tabib muft mein rusvaa na ho huaa so huaa giraa jo chaah-e-zanakh mein koi to yuun bolaa sazaa hai ghota zaraa khaane do huaa so huaa sunaa jab un ne falaanaa to aaj mar hi gayaa kahaa balaa se miri koi maro huaa so huaa agar nasib mein aisaa hi kuchh likhaa hai 'nain' to phiir bas nahin laachaar jo huaa so huaa"

"diije nahin kisu ko to phir lijiye bhi nain neki na ban sake to badi kijiye bhi nain tauqir-e-husn shart hai dil dene ke liye gar husn hi na ho to kabhu rijhiye bhi nain hove agarche apni sharaafat upar nigaah hargiz badi ke kaam pe dil dijiye bhi nain idhar se siite jaao aur udhar se phahTtaa jaae aise tarah ke kapDe ko phir sijiye bhi nain denaa dilaanaa saaraa hai ik naam ke liye gar naam bhi na ho to abas chhijiye bhi nain koi saa moaamla ho pahle chhaan lijiye yak-baargi bhaDak ke kabhu kijiye bhi nain mai kaa mazaa jabhi hai ki jab maah-ru ho paas gar maah-ru na hove to mai pijie bhi nain"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"