zikr meraa lab-e-hasin pe thaa — Mahboob Anwar

"ham apne sar pe to suraj uThaa ke chalte hain sunaa hai barf ke ghar mein bhi log jalte hain ye kaisi rut hai ki nezon pe sar uchhalte hain hamaare shahr ke bachchon ke dil dahalte hain jo radium ke ujaale rukhon pe malte hain vo apni zaat se baahar nahin nikalte hain vo ham ki khaar bhi ham se judaa nahin hote vo kaise log hain phulon ko bhi masalte hain jo mujh pe guzre hain biite hain jin ko jhelaa hai vo haadse mire jaam-e-ghazal mein Dhalte hain falak se aag barasti to koi baat na thi zamin vaale zamin par hi zahr ugalte hain vo fasl-e-gul na sahi ye khizaan sahi 'anvar' kabhi to kaaghazi phulon ke din badalte hain"

"sadaa-e-sang daaman-gir thi pal pal bahut royaa ghani aabaadiyon se lauT kar paagal bahut royaa mire kheton ko sahraa kar gayaa basti ko viraana magar dariyaa pe jab pahunchaa to ye baadal bahut royaa mire kamre ki tanhaai mein gahri tirgi phaili kisi ki aankh kaa lagtaa hai phir kaajal bahut royaa vo jab bhi rizq ke suraj se jal bhun kar huaa vaapas to us ki buDhi maan kaa be-qaraar aanchal bahut royaa phir ab ke us ki sakhiyon ke ghar aangan phuul khil uTThe phir ab ke saal us ki god kaa chaaval bahut royaa faqat ye baat ki aabaadiyon mein sar uchhalte hain darinde ban gae insaan to jangal bahut royaa hamaare ahd kaa gautam bhi qaatil-dost hai 'anvar' bas itni si khabar par saaya-e-pipal bahut royaa"

"shishe kaa ghar samajh ke jo maail hue hain log khud apne pattharon se hi ghaail hue hain log hal ho nahin rahe hain hazaaron nashist mein kuchh is tarah se uljhe masaail hue hain log chehron pe gham ki suiyaan chalti hain roz-o-shab jaise puraani ghaDiyon ke Dial hue hain log aabaadiyon ki barf ki sil par khaDe hue sahraa ki tarah pyaas ke saail hue hain log roz-o-shab-e-hayaat ke khaanon mein baanT kar qiston mein khud-kushi ke vasaail hue hain log 'anvar' abhi to shahr-e-taalluq ki raah mein divaar-e-chin ki tarah haail hue hain log"

"sang-o-shisha dar-o-divaar ke chehre dekhe ham ne aksar rasan-o-daar ke chehre dekhe khud hatheli pe uThaae hue apne sar ko sar pe laTki hui talvaar ke chehre dekhe apne be-chehra tabassum ko muqayyad kar ke ham ne yusuf ke kharidaar ke chehre dekhe qatl khud ko kai qiston mein kiyaa hai ham ne qaatilon mein bhi agar pyaar ke chehre dekhe ham ne yaadon ke doraahe pe sadaa mein ghir kar kabhi dushman kabhi gham-khvaar ke chehre dekhe tishnagi lab pe sameTe hue sahraa ki tarah ham ne saaqi-e-tarahdaar ke chehre dekhe aaftaabon se bhare shahr mein kajlaae hue ham ne phir subh ke aasaar ke chehre dekhe saade auraaq pe bikhraa ke khud apnaa hi vajud ham ne apne dil-e-be-kaar ke chehre dekhe"

"milaa ke honTon ke zahraab aabginon mein ye kis ne aag si bhar di hamaare sinon mein ab is ke baa'd koi chehra dekhnaa hi nahin ham apni aankhein bhi chhoD aae mah-jabinon mein kisi ki aankhon mein jhaankun to apnaa aks mile ab aise log kahaan hain tamaash-binon mein unhin ke talvon se kaanTe lahu nasib hue jo chaand bote rahe umr bhar zaminon mein halaal rizq kabhi raaegaan nahin jaataa ki chyunTiyaan kabhi lagtin nahin pasinon mein tabassumon se hi kaam us kaa chal gayaa varna chhupaa ke laayaa thaa khanjar bhi aastinon mein na jaane kaun si kashti mein jaa ke baiTh gayaa duaa-e-maan mutalaashi rahi safinon mein in unche logon mein 'anvar' kabhi nahin miltaa jo ilm-o-fan hai chhupaa boriyaa-nashinon mein"

"kitne armaan kitni ummidon ke paikar le gayaa ab ke phir sailaab-e-gham aankhon ke manzar le gayaa khaamushi oDhe hue divaana mere gaanv kaa chun ke tere shahr kaa har ek patthar le gayaa mujh ko pahle koi pyaasaa vaadi-e-qutbain kaa apne kuuze mein samo kar phir samundar le gayaa ab ke mere qatl ki saazish mein hai vo bhi sharik maang kar mujh se hi meraa dost khanjar le gayaa bas isi ik baat par ruThe hain arbaab-e-hunar gham zamaane bhar kaa kyon mahbub 'anvar' le gayaa"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"nahin piitaa main par navaazish hui hai baDi mausamon ki sifaarish hui hai bahut din se sahraa ke jaisaa ye dil hai na baadal ghire hain na baarish hui hai yahaan hai bulandi jo kirdaar ki to vahaan khaal-o-khad ki numaaish hui hai tiri jhiil jaisi jo dekhi hain aankhein miri Duub jaane ki khvaahish hui hai chhalaktaa nahin khuun zakhmon se aise kahin naakhunon ki bhi kaavish hui hai hamein 'ishq mein mubtalaa kar rahe hain nazar aur dil mein ye saazish hui hai vahaan dushmanon ki baDi yaad aai jahaan doston ki navaazish hui hai vafaa-daariyon kaa sila mil rahaa hai hamaari sadaa aazmaaish hui hai pareshaaniyon mein jo ham mubtalaa hain yaqinan koi ham se laghzish hui hai vahin apni aankhon ko ham chhoD aae jahaan manzaron ki numaaish hui hai raqibon ko hai chhuT mahfil mein un ki mire aane jaane pe bandish hui hai ghazal kahnaa 'faaruq' main chhoD dungaa isi baat par un se ranjish hui hai"

"jab se aayaa huun tere gaanv mein rang hi rang hain fazaaon mein aa ki dukh sukh ki koi baat karein baiTh kar shishamon ki chhaanv mein main bhi kartaa huun zabt ki koshish to bhi takhfif kar adaaon mein vo tiraa dafatan bichhaD jaanaa vo miraa dekhnaa khalaaon mein ho agar koi gosh-bar-aavaaz ik khamoshi bhi hai sadaaon mein yahi mere liye ghanimat hai saans le luun khuli fazaaon mein"

"bas ki ik lams ki ummid pe vaare hue hain so tire saamne ye khaak pasaare hue hain jaane kab un ko bujhaa baiThe koi baad-e-alam sar-e-mizhgaan-e-tamannaa jo sitaare hue hain zindagi tu bhi hamein vaise hi ik roz guzaar jis tarah ham tujhe barson se guzaare hue hain nit-nae naqsh karein us pe aziyyat ke raqam aa ki ham takhti-e-dil apni pachaare hue hain kab kuchal jaaein kisi paanv se ham barg-e-vajud vaqt ki dhuup mein vaise hi karaare hue hain jaante hain ki tu hi ishq-badan ko hai libaas ham tiraa ruup jo aashuftagi dhaare hue hain apni jurat ki sataaish ho ki ham chob-mizaaj rabt rakhte hain sadaa un se jo aare hue hain"

"phir bahaar aai hai phir josh mein saudaa hogaa zakhm-e-derinaa se phir khuun Tapaktaa hogaa biiti baaton ke vo naasur hare phir honge baat niklegi to phir baat ko rakhnaa hogaa yurishein kar ke umanD aaeingi suuni shaamein laakh bhaTkein kisi unvaan na saveraa hogaa ji ko samjhaaeinge matvaali havaa ke jhonke phir koi laakh sambhaale na sambhalnaa hogaa kaisi rut aai havaa chalti hai ji Doltaa hai ab to hansnaa bhi taDapne kaa bahaanaa hogaa TuuT jaaegaa ye laachaari-e-daaem kaa fusun aur is tarah ki jaise koi aataa hogaa dil dhaDakne ki sadaa aaegi sune-pan mein duur baadal kahin parbat pe garajtaa hogaa"