The lyric art form of Urdu poetry — every sher a universe of longing, love, and philosophy
"bach ke jaaein bhi kahaan jaan ko aai hui hai aag aisi hai ki apnon ki lagaai hui hai tujh pe laazim hai kuchh achchhaa kare us ki khaatir us ne ummid agar tujh se lagaai hui hai qahqahe kitne hi chhinegi utar kar mujh mein jo udaasi mire aa'saab pe chhaai hui hai varna har samt andheraa nazar aanaa thaa 'ma'aaz' us ne sad shukr koi sham' jalaai hui hai"
Ahmad Muaz"yahi to ik kharaabi hai tumhaari sabhi ko dastyaabi hai tumhaari vahaan tak kaa nazaara pahle kar luun jahaan tak be-hijaabi hai tumhaari hamaaraa kaam hai naakaam honaa aur is mein kaamyaabi hai tumhaari tabi'at Thiik ho to kis tarah ho ki niyyat mein kharaabi hai tumhaari"
Ahmad Muaz"hamaare haath jo aate nahin hain agar aa jaaein to jaate nahin hain jinhein ham dekhte rahte hain ghanTon unhein ik aankh bhi bhaate nahin hain kisi din dil miyaan do lakht honge agar aap un ko samjhaate nahin hain savaal aise hi kar letaa huun un se unhein vaise javaab aate nahin hain 'ma'aaz' is vaaste jhukte nahin ham jo sidhe hon vo bal khaate nahin hain"
Ahmad Muaz"tu guzar jaa ai mire khvaab-e-tilismaat ki raat varna Thahraa hi rahungaa main yahaan raat ki raat subh tak us ne bhi aflaak mein kho jaanaa hai vo sitaara jo chamaktaa hai yahaan raat ki raat kyaa ijaazat hai ki izhaar-e-tamannaa kar luun aap ke dar pe main aayaa huun munaajaat ki raat chaand taaron ko ishaaron pe nachaataa hai 'ma'aaz' tere aane pe sajaataa hai mulaaqaat ki raat"
Ahmad Muaz"ba-zaahir kuchh nahin qissa hamaaraa pas-e-tasvir hai chehra hamaaraa kharaabi hai sitaaron mein hamaare jise chaahein nahin hotaa hamaaraa koi shisha nahin jo TuuT jaae bahut mazbut hai rishta hamaaraa kahaan hain ham kahin bhi to nahin hain kahaan rakkhaa gayaa honaa hamaaraa nazar bhar kar tujhe ham dekhte hain magar ye dil nahin bhartaa hamaaraa jahaan har chiiz ko honaa fanaa hai vahaan par kyaa tumhaaraa kyaa hamaaraa"
Ahmad Muaz"kab talak dar-ba-dar rahaa jaae koi ghar ko bhi raasta jaae main mohabbat jataanaa chaahtaa huun us ko tohfe mein kyaa diyaa jaae yunhi uTThe kisi charaagh ki lau aur saare jahaan pe chhaa jaae is liye tum ko phuul kahtaa huun phuul ko aur kyaa kahaa jaae us ke haathon kaa zahr amrit hai so usi ko pilaa diyaa jaae"
Ahmad Muaz"mohabbat se kinaara kar rahe hain vo khud apnaa khasaara kar rahe hain hamaaraa hausla kyaa puchhte ho baghair us ke guzaaraa kar rahe hain jhukaaein sar ki aap ahl-e-zamin hain falak kaa kyaa nazaara kar rahe hain unhein koi sahaaraa mil rahaa hai hamein jo be-sahaaraa kar rahe hain 'ma'aaz' ahmad tum un kaa dil hi rakh lo jo tum par jaan vaaraa kar rahe hain"
Ahmad Muaz"jo kahaa us ne mujhe pyaar mein tabdil kiyaa us ki har baat ko ash'aar mein tabdil kiyaa ham ne ikhlaas ke anmol nagine paa kar kasrat-e-bazm ko do chaar mein tabdil kiyaa hijr ke khauf ko imkaan mein rakh kar ham ne khvaahish-e-vasl ko be-kaar mein tabdil kiyaa saari khushiyon kaa milan ek jagah par thaa 'ma'aaz' jab tire hijr ko tehvaar mein tabdil kiyaa"
Ahmad Muaz
