Ghazal

"honTon pe us ke jumbish-e-inkaar bhi nahin aankhon mein koi shokhi-e-iqraar bhi nahin basti mein koi munis-o-gham-khvaar bhi nahin 'ghaalib' kaa haae koi taraf-daar bhi nahin kashti buri tarah hai bhanvar mein phansi hui lekin hamaare haath mein patvaar bhi nahin un ko sazaaein di hain zamaane ne baarhaa mulzim bhi jo nahin hain gunahgaar bhi nahin tohfa 'ajab diyaa hai chaman ko bahaar ne phulon kaa zikr kyaa hai koi khaar bhi nahin shaayad ta'alluqaat mein ab injimaad hai pahli si baat baat pe takraar bhi nahin show-pis to banaa diyaa haalaat ne 'asad' koi magar hamaaraa kharidaar bhi nahin"

"raahein dhuaan-dhuaan hain safar gard-gard hai ye manzil-e-muraad to bas dard-dard hai is mausam-e-bahaar mein ai baaghbaan bataa chehra har ek phuul kaa kyon zard-zard hai apne paDosiyon ko bhi pahchaantaa nahin mahsur apne khol mein ab fard-fard hai laffaaziyon kaa garm hai baazaar kis qadar dast-e-‘amal hamaaraa magar sard-sard hai kaisaa tazaad shaakh-e-tamannaa mein hai 'asad' khud ye hari-hari hai samar zard-zard hai"

"ek beva ki aas lagti hai zindagi kyon udaas lagti hai har taraf chhaai ghor taariki raushni ki asaas lagti hai pi rahaa huun hanuz ashk-e-gham bahr-e-gham ko bhi pyaas lagti hai laakh pahnaao dosti ki qabaa dushmani be-libaas lagti hai maut ke saamne hayaat 'asad' surat-e-iltimaas lagti hai"

"kisi kisi ko hi aate hain raas afsaane hamein to karte hain aksar udaas afsaane nae zamaane ke in mein kai ishaare hain bahut puraane hain go mere paas afsaane khushi ke vaaste jis ne gale lagaayaa unhein usi ko chhoD gae mahv-e-yaas afsaane jinhein shuur se aari qaraar dete the vahi bane hain qayaafa-shanaas afsaane libaas vaale bhi paDhte hain in ko chhup-chhup kar jo main ne likhe hain kuchh be-libaas afsaane vo ek pyaase ne khun-e-jigar se likhe hain jo ban gae hain samundar ki pyaas afsaane vo ek pyaase ne khun-e-jigar se likhe hain jo ban gae hain samundar ki pyaas afsaane khayaal-o-khvaab ke qisse nahin hain in mein 'asad' hain ahd-e-nau ke haqiqat-shanaas afsaane"

"sinon mein agar hoti kuchh pyaar ki gunjaaish haathon mein nikalti kyuun talvaar ki gunjaaish pichhDe hue gaanv kaa shaayad hai vo baashinda jo shahr mein DhunDe hai isaar ki gunjaaish nafrat ki taassub ki yuun rakkhi gaiin inTein paidaa hui zehnon mein divaar ki gunjaaish paakizgi ruhon ki nilaam hui jab se jismon mein nikal aai baazaar ki gunjaaish is tarah khule dil se iqraar nahin karte rakh lijiye thoDi si inkaar ki gunjaaish gar azm musammam ho aur jehd-e-musalsal bhi sahraa mein nikal aae gulzaar ki gunjaaish samjhein ki na samjhein vo ham ne to 'asad' rakh di ashaar ke honTon pe izhaar ki gunjaaish"

"zabaan kuchh aur kahti hai nazar kuchh aur kahti hai magar ye zindagi ki rah-guzar kuchh aur kahti hai bayaan ye baaghbaan kaa hai ujaaDaa baagh aandhi ne magar kaaTi hui shaakh-e-shajar kuchh aur kahti hai ye ujDaa jism zakhmi ruuh aur sahmi hui laDki zamaana maar Daalegaa agar kuchh aur kahti hai dabaav thaa ki laalach thaa lagaa akhbaar ye paDh kar haqiqat aur hi kuchh thi khabar kuchh aur kahti hai nishaani chhoD jaati hain 'asad' ye 'umr ki raahein musaafir kuchh kahe gard-e-safar kuchh aur kahti hai"

"ham se divaanon ko asri aagahi Dasti rahi khokhli tahzib ki farzaangi Dasti rahi shoala-e-nafrat to bhaDkaa ek lamhe ke liye muddaton phir shahr ko ik tirgi Dasti rahi maut ki naagin se ab hargiz vo Dar saktaa nahin jis ko saari umr khud ye zindagi Dasti rahi main na jaane kitne janmon kaa huun pyaasaa dosto rah ke dariyaa mein bhi mujh ko tishnagi Dasti rahi aap ke honTon pe jo muddat se hai chhaai hui dard mein Duubi hui vo khaamushi Dasti rahi ek tum ho dushmani bhi raas aai hai jise aur ik main huun ki jis ko dosti Dasti rahi har ghaDi chehre pe jo chehre lagaataa hi rahaa umr bhar us ko 'asad' be-chehragi Dasti rahi"

"raahein dhuaan dhuaan hain safar gard gard hai ye manzil-e-muraad to bas dard dard hai apne paDosiyon ko bhi pahchaantaa nahin mahsur apne khol mein ab fard fard hai is mausam-e-bahaar mein ai baaghbaan bataa chehra har ek phuul kaa kyuun zard zard hai laffaaziyon kaa garm hai baazaar kis qadar dast-e-amal hamaaraa magar sard sard hai kaisaa tazaad shaakh-e-tamannaa mein hai 'asad' khud ye hari hari hai samar zard zard hai"

"har aah gham-e-dil ki ghammaaz nahin hoti aur vaah masarrat kaa aaghaaz nahin hoti jo rok nahin paati ashkon ki ravaani ko vo aankh gham-e-dil ki hamraaz nahin hoti har ashk-e-shahanshaahi ik taaj nahin bantaa har malka zamaane mein 'mumtaaz' nahin hoti milti hai khamoshi se zaalim ko sazaa yaaro allaah ki laaThi mein aavaaz nahin hoti ik Thos haqiqat hai alfaaz ke paikar mein ye shaairi shaair kaa eajaaz nahin hoti yuun umr ki qainchi ne par mere katar Daale ab laakh karun koshish parvaaz nahin hoti daulat ki badaulat jo bandhti hai 'asad' sar par dastaar-e-fazilat vo eazaaz nahin hoti"

"bistar-e-marg par zindagi ki talab jaise zulmat mein ho raushni ki talab kal talak kamtari jin ki taqdir thi aaj un ko hui bartari ki talab umr bhar apni puujaa karaataa rahaa ab hui us ko bhi bandagi ki talab chikhte the bahut ham har ik baat par ho gai ab magar khaamushi ki talab pyaas duniyaa ki jis ne bujhaai sadaa us samundar ko hai tishnagi ki talab chaar paise jo aae zaraa haath mein un ko bhi ho gai rahbari ki talab dekh kar ye numaaish ki duniyaa 'asad' ham ne mahsus ki saadgi ki talab"

"soch kar mil zaraa tavaqquf kar yuun na har ek se ta'aaruf kar zindagi kharch karne vaale sun maut par bhi to kuchh tasarruf kar din-e-insaaniyat ke jauhar se ai khudaa ham ko bhi musharraf kar had mein rah kar hi be-takalluf ho ho na mahsus yuun takalluf kar jhuuT go kaamraan hotaa hai apne sach par na ab taassuf kar chhup ke jo bechte hain millat ko aise logon pe khul ke tuf tuf kar saari duniyaa badal rahi hai 'asad' apnaa tabdil ab ta'aaruf kar"