Ghazal

"bol na ai mire bhagvaan nahin ho saktaa raasta ziist kaa aasaan nahin ho saktaa jis ne luuTaa ho gharibon ko masihaa ban kar kuchh bhi ho chaahe vo insaan nahin ho saktaa haakim-e-shahr ke har daanv se vaaqif huaa main ab kisi daanv pe hairaan nahin ho saktaa paDh ke tum naad-e-ali vaar karo dushman par vaar be-kaar ho imkaan nahin ho saktaa laakh tu sher kahe laakh kitaabein chhaape tu kabhi saahab-e-divaan nahin ho saktaa"

"kyaa karun milti nahin mujh se tabiat us ki laakh inkaar ho rahti hai zarurat us ki aakhirash mujh se vo milne ke liye raazi huaa al-gharaz ho hi gai mujh pe inaayat us ki tum to aazaad ho jo kuchh tumhein kahnaa hai kaho yaar main kar nahin saktaa huun mazammat us ki dil ko toDaa mujhe barbaad kiyaa chhoD diyaa haae 'azhar' main karun kis se shikaayat us ki"

"ikhtilaafaat mein bimaar nazar aate hain mujh ko ye saare hi bezaar nazar aate hain jitne jaahil hain nikamme hain uchakke hain yahaan vahi haakim ke taraf-daar nazar aate hain hukm-e-zardaar ye hai un ko nazar-band karo amn ke jo bhi taraf-daar nazar aate hain aansuon ki to in aankhon mein kuchh auqaat nahin garche aate hain to bekaar nazar aate hain saare rangon ke gulon se hai chaman ki zinat ye chaman jo abhi gulzaar nazar aate hain ab jo likh di hai haqiqat to ham 'azhar' sab ko hain to shaa'ir par adaakaar nazar aate hain"

"aao ik baar raqs karte hain ho ke bezaar raqs karte hain teri yaadon ki tak-dhinaa-dhin par ham kai baar raqs karte hain chhe dinon ke thake hue naukar paake itvaar raqs karte hain zindagi ek film hai jis mein saare kirdaar raqs karte hain dekh kar muflisi gharibon ki apne sardaar raqs karte hain baiThe baiThe yahi khayaal aaya kar liyaa pyaar raqs karte hain baiat-e-zulm ke javaab mein ham kar ke inkaar raqs karte hain apne rauze pe dekh le khvaaja tere zavvaar raqs karte hain kyaa ghazal kah di aaj 'azhar' ne saare ashaar raqs karte hain"

"shaayad ke kare vasl hi bharpaai hamaari tanhaai hui jaati hai shaidaai hamaari har gaam hui is liye rusvaai hamaari bu-jahl kiyaa kartaa thaa aguvaai hamaari ye ham ko buzurgon se viraasat mein mili hai tum ko nazar aati hai jo achchhaai hamaari ai jaan-e-sukhan tu jo mukhaatab na huaa to Dar hai ke chali jaae na goyaai hamaari kilkaariyaan bachchon ki buzurgon ki vo phaTkaar kyaa khuub saji rahti thi angnaai hamaari kal tak to hamein yaad bhi karne se thaa parhez ab kis liye karte ho paziraai hamaari"

"kahaani to mu'ammaai nahin hai tujhe shaayad samajh aai nahin hai take jaataa huun ab bhi teraa rasta bhale aankhon mein binaai nahin hai abhi paise ikaTThe kar rahaa huun abhi tasvir banvaai nahin hai abhi se mutmain honaa buraa hai abhi manzil nazar aai nahin hai ghazal kahne ko aamaada hain lekin abhi tasvir ban paai nahin hai baroz-e-‘id us ke ghar hai faaqa qabaa main ne bhi silvaai nahin hai abhi is vaaste khaamosh huun main abhi 'izzat pe ban aai nahin hai rah-e-ulfat se tum ghabraa rahe ho ye shauq-e-aabla-paai nahin hai hain kis vahm-o-gumaan mein aap 'azhar' mohabbat alf-lailaai nahin hai"

"har taraf jabr hai dhoka hai riyaa-kaari hai ab jidhar dekhiye jhuTon ki parastaari hai is mein chaahat hai na raghbat na vafaadaari hai ye koi 'ishq nahin hai ye adaakaari hai phir mulaaqaat kaa tufaan uThaa hai dil mein phir se ik baar bichhaD jaane ki tayyaari hai bolne vaalon kaa kyaa hashr huaa dekhaa hai ab ke khaamosh hi rahne mein samajhdaari hai roz zindaan ki divaar pe likhtaa hai koi haae tanhaai salaasil se kahin bhaari hai apne me'yaar se niche main bhalaa kyon aauun tum jise zo'm samajhte ho vo khuddaari hai khaana-e-dil mein kiyaa kartaa hai maatam 'azhar' koi to hai ki jo masruf-e-‘azaa-daari hai"

"saaneha ye bhi ik huaa mire saath duur ho ke bhi vo rahaa mire saath kashti-e-zist ko bachaate hue mar gae kitne naakhudaa mire saath tu to mere qabile vaalaa thaa tu ne hi khel kar diyaa mire saath umr-bhar ke the jis ne vaade kiye do qadam bhi na chal sakaa mire saath gaahe-gaahe talaash kartaa rahaa mujh mein khoyaa rahaa khudaa mire saath"