Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Faisal Tufail
ye koi baagh nahin phuul khilaae jaaein
dasht mein aae hain to khaak uDaae jaaein
sab biThaate hain hamein mansab-o-masnad pe magar
ham ye chaahein ki tire saath biThaae jaaein
· · ·
Faisal Tufail
zabaan se kuchh na kahaa an-kahi ne saath diyaa
kali se milte hue bekali ne saath diyaa
ye baat sunte hi aansu nikal paDe the mire
mileinge phir se agar zindagi ne saath diyaa
· · ·
Faisal Tufail
ik baar jo milaa thaa to khoyaa nahin gayaa
is tarh vo gayaa hai ki goyaa nahin gayaa
kal raat teri yaad thi kamre mein yaa ki tu
is darja raushni thi ki soyaa nahin gayaa
· · ·
Faisal Tufail
vaqt ki rau ko ravaani se nikaalaa jaae
chand lamhon ko giraani se nikaalaa jaae
mujh ko to khinch liyaa dast-e-junun ne lekin
ab miraa 'aks bhi paani se nikaalaa jaae
· · ·
Faisal Tufail
khaamoshi tiri chikh se ye bhed khulaa hai
sannaaTe se bhi lipTi hui koi sadaa hai
ai zauq-e-nazar dekh tire saamne kyaa hai
kohna hi sahi aankh pe manzar to nayaa hai
· · ·
Faisal Tufail
kaise kaise kamaal kartaa huun
sang ko ham-khayaal kartaa huun
khvaab khud ro hain saare aankhon mein
main faqat dekh-bhaal kartaa huun
· · ·
Faisal Tufail
duniyaa ki rah pe yaar hamaaraa bhi chal paDaa
jis Tek par the ham vo sahaaraa bhi chal paDaa
aankhein bandhi hui thiin manaazir ki Dor se
kashti chali to saath kinaaraa bhi chal paDaa
· · ·
Faisal Tufail
chhalke hai miraa khuun bhi chehre se hasin ke
aflaak mein shaamil hain kai rang zamin ke
ik teraa Thikaana hi Thikaana hai hamaaraa
ham jaise kahaan jaaeinge duniyaa ke na diin ke
· · ·
Faisal Tufail
meraa sar Takraa rahaa hai phir nai divaar se
jabki aage baDh gayaa thaa aakhiri divaar se
saaya-e-divaar se sab mutmain hain main nahin
raushni mein ho rahi hai kuchh kami divaar se
· · ·
Faisal Tufail
khud ko nashtar aap chubhonaa paDtaa hai
dil ki khaatir aankh ko ronaa paDtaa hai
Dartaa huun ki kahin khayaanat hi na ho
kabhi kabhi jab apnaa honaa paDtaa hai
· · ·
Faisal Tufail
zaahir se bhi bad-tar hai jo haalat hai darun ki
phir bhi nahin kartaa huun shikaayat main junun ki
ik vasl pe mauquf hai ab hijr sanbhalnaa
is girti hui chhat ko zarurat hai sutun ki
· · ·
Faisal Tufail
kohna aqdaar se koi haT jaae to
pairahan jo puraanaa hai phaT jaae to
jis nigah ne sanvarnaa sikhaayaa use
vo nigah us ke chehre se haT jaae to
· · ·
Faisal Tufail
darun-e-khvaab ye manzar dikhaai detaa hai
falak pe jaltaa huaa par dikhaai detaa hai
koi shikasta sitaara andheri raaton mein
miri talaash mein aksar dikhaai detaa hai
· · ·