Ghazal

"talaash se na kisi bhi hisaab se miltaa sukun vo jo tire ik javaab se miltaa vo mere hone se bhi ijtinaab kartaa thaa mujhe khushi se nahin iztiraab se miltaa use to log mayassar the achchhe achchhe log sabhi ko chhoD ki ab mujh kharaab se miltaa tiraa khayaal jo miltaa khayaal se mere usi nagar mein to har khvaab khvaab se miltaa"

"us ne bolaa miraa guzaara naiin main ne jaane diyaa pukaaraa naiin us ne is tarh se kiyaa barbaad main ne khud ko kabhi sanvaaraa naiin phir to kuchh bhi nahin hamaaraa yaar vo bhi sach mein agar hamaaraa naiin aise jhaTkaa hai us ne haath miraa jaise milnaa kabhi dubaara naiin us se duuri baDhaa rahaa huun magar us ko dil se abhi utaaraa naiin main to haazir thaa jaan dene ko lekin us ne mujhe pukaaraa naiin girnaa bantaa hai ab 'junaid' miraa ab kisi kaa mujhe sahaaraa naiin"

"har khushi hoti thi aazaar nahin hote the jab ki ham aap ke bimaar nahin hote the tu hamein chhoD ke shaadaab nazar aane lagaa itne dilkash tire rukhsaar nahin hote the baat zu-maa'ni kabhi vo bhi nahin kartaa thaa itne ham bhi to samajh-daar nahin hote the ek muddat se hamein qaid mein rakkhaa huaa thaa aur ham bhi kabhi bezaar nahin hote the bas tire aage koi chaal nahin chalti thi varna aasaani se yalghaar nahin hote the"

"raah thi dushvaar ham jab bhi chale itnaa aage tak gae chhaale paDe she'r main kahtaa hi rahtaa huun magar 'umda vo hotaa hai jis mein tu dikhe ruk gayaa thaa main tiri aavaaz par dekh mujh se yuun na kar shikve gile itni khvaahish hi bahut hai yaar sun bhiik ulfat ki kabhi to de mujhe sirf bosa hi nahin darkaar ab yaar khvaahish hai gale tu aa lage ye tamanna hai mujhe ik 'umr se haath thaame saath phir vo chal paDe mahfilein sajti hain us ke naam par aur ye bas yuun ki meraa dil dukhe ye khushi ki intihaa ho jaaegi qurb teraa gar kisi ko aa mile main ki 'aabir' sah gayaa ranj-o-alam rang phir kyon mere chehre ke uDe"

"visaal chhoD hamein diid bhi nahin hoti ki len-den mein itni kami nahin hoti palaT ke aae ho tum mere zakhm bharne ko huzur-e-vaalaa mujhe ab khushi nahin hoti tumhaaraa hijr koi 'aam masala nahin hai main ro paDungaa ki ab khaamushi nahin hoti hami nikhaarte hain tujh ko ai bikharte shakhs hami na hote tar-o-taazgi nahin hoti main chal diyaa to palaT kar kabhi nahin aanaa ye soch kar tujhe afsurdagi nahin hoti"

"vo hasin honT hamein kam hi mayassar aae chand logon pe karam us ke baDe hote hain uljhanein itni hain darpesh hamein mat puchho jaise kapDon mein kai dhaage aDe hote hain khastaa-haalon ke masaail to kai hain lekin ham gharibon ke baDe bakht saDe hote hain is taraf bhi to kabhi dekh liyaa kar pyaare tere girvida tiri rah mein paDe hote hain rukh-e-zebaa kaa vo sadqa jo kabhi de 'aabir' haath mein kaasa liye ham bhi khaDe hote hain"

"ham the to miri jaan thaa me'yaar tumhaaraa ab koi nahin aanaa kharidaar tumhaaraa tum ab to chali aao dil-e-zaar mein laDki sar piTtaa phirtaa hai talabgaar tumhaaraa tarjih-o-tavajjoh kaa hi fuqdaan thaa varna aasaani se khul saktaa thaa tahdaar tumhaaraa ham peD baDe ho ke bhi viraan raheinge ham sunte chale aae hain inkaar tumhaaraa"

"tasalsul se kabhi aataa nahin hai adhuraa gham mujhe bhaataa nahin hai mire maulaa jahaan-e-bebasi mein koi bhi rahm ab khaataa nahin hai guzishta roz main ne ro ke puchhaa khushi mujh se tiraa naata nahin hai tire chehre ko dekhaa baa'd us ke koi chehra mujhe bhaataa nahin hai kai harbe kiye hain main ne 'aabir' magar vo zehn se jaataa nahin hai"

"vo zakhm de ke mujhe qahqahe lagaataa hai mujhe to apni mohabbat pe ronaa aataa hai galaa dabaa ke vo apne qaribi logon kaa 'ajib shakhs hai dushman pe rahm khaataa hai ik aise shakhs pe qurbaan ho rahaa huun main jo sun ke 'arz miri mujh pe muskuraataa hai main sach kahun to tumhein chhoDnaa nahin mushkil tiri tabaahi kaa sochun to rahm aataa hai ye baat tai hai ki mar jaaegaa tiraa 'aabir' tu jitni be-rukhi se yaar dil jalaataa hai"

"be-intihaa jale hain tujhe DhunDte hue ranj-o-alam baDhe hain tujhe DhunDte hue kuchh bhi to teri yaad mein achchhaa nahin rahaa ham dar-ba-dar phire hain tujhe DhunDte hue chashm-e-talaash se bhi tu aage nikal gayaa ham to vahin khaDe hain tujhe DhunDte hue makhsus ik madaar mein rahte the saada-dil baahar nikal paDe hain tujhe DhunDte hue ham ko tiri talaash baDi sakht-jaan hai din raat ro rahe hain tujhe DhunDte hue vo raasta ki jis ki na manzil kaa kuchh pataa us par bhi ham chale hain tujhe DhunDte hue kal shab tire visaal ki ummid bhi gai phir ashk-e-khun bahe hain tujhe DhunDte hue 'aabir' yaqin-e-qalb se ik baargaah mein ham baarhaa jhuke hain tujhe DhunDte hue"

"ab us se ijtinaab bhi mushkil nahin rahaa vo rah rahaa hai saamne par dil nahin rahaa dukh dard hasratein yaa koi baat hogi dost ik chehra tere saamne bhi khil nahin rahaa tujh ko bhi aasraa kisi kaandhe kaa mil gayaa aur meraa dil bhi ab tiraa ghaayal nahin rahaa ham ne jo dekh-bhaal se paalaa thaa ik shajar ab us pe ikhtiyaar bhi haasil nahin rahaa milne ko mil rahaa hai mujhe kul-jahaan magar 'aabir' vo ek shakhs mujhe mil nahin rahaa"