Ghazal

"kisi ki chaahat kisi se baDh kar hamaare jaise samajh rahe hain huaa samundar mein jazb dariyaa kyon ishq vaale samajh rahe hain gham-e-mohabbat taDap udaasi ko aap sachche samajh na paae hamaari haalat hamaare jaise kuchh ek jhuTe samajh rahe hain ye masala bhi hamaari jaanib jahaan se digar hi pesh aayaa vo ishq ham se kareinge rishta nahin kareinge samajh rahe hain vo bad-havaasi mein chikhte hain nahin mohabbat nahin hai tum se yaqin hamein is tarah se aa hi gayaa ho jaise samajh rahe hain jahaan ki mahfil mein apni qimat hai jaise sahraa mein koi dariyaa to jin ko qimat nahin hai ham ko vo ret saare samajh rahe hain uThaa rahe hain tumhaare misre sunaa rahe hain ghazal tumhaari tumhein samajhnaa thaa qismat-e-bad hai kaise kaise samajh rahe hain"

"hijr ho yaa visaal rahne do duur mujh se vabaal rahne do darmiyaan ik savaal rahne do raabta yuun bahaal rahne do sher kah lo kisi parinde par ye mohabbat ke jaal rahne do tum ko duniyaa sanvaarni hai agar to mire uljhe baal rahne do ilm ki dhuup oDh aae hain husn ki zard shaal rahne do vaqt-e-rukhsat ki rasm kaa haasil lab par aakhir visaal rahne do lag gai hai hamein nazar us ki ishq ko ye malaal rahne do"

"khvaab aankhon mein jazb hone mein ham ko muddat lagi hai sone mein us ne aanaa nahin chunaa varna vaqt lagtaa hai vaqt hone mein kyaa milaa thaa kisi ko paane se kyaa gayaa hai kisi ko khone mein dil mein duniyaa basaai hai ham ne dil ki duniyaa rakhi hai kone mein bhuul baiThi hain dekhne ki adaa aankhein sapne tere sanjone mein farq sach aur jhuuT kaa hai faqat sher likhne mein sher hone mein kitne dariyaa bahaa chukin aankhein ek chehre ke rang dhone mein"

"safed kaale hare gulaabi yaa niile piile uchhaal denaa umiid be-rang si dikhe to ye rang saare uchhaal denaa tum apne lahje ki saadgi ko binaa bigaaDe uchhaal denaa amaan khaton kaa khayaal chhoDo havaa mein bose uchhaal denaa udaasiyon ke nagar ke aage koi to dariyaa zarur hogaa jahaan duaaon ki suraton mein tum apne sikke uchhaal denaa kisi ke dil mein tum is tarah se utarnaa jaise nadi mein chandaa phir us ki aankhon ki samt saare falak ke taare uchhaal denaa vo apne gham se hataash ho kar kahin na apni hi jaan le le so ham khudaa se kaheinge us ke ghamon ko ham pe uchhaal denaa miri hayaat-o-sukhan ki vusat tavil hai laa-sukhan hai phir bhi koi jo puchhe miri kahaani to mere misre uchhaal denaa"

"jal kar bujhte laave bah kar aakhir patthar ho jaate hain nadiyon ko Thukraane vaale saahil banjar ho jaate hain nathuni jhumke chuDi kardhan bichhue jhaanjhar ho jaate hain ik laDki ke saare sukh-dukh us ke zevar ho jaate hain rasm rivaayat din-dharm imaan bharose vaale hi kyon ishq mein jiine marne vaale bhi paighambar ho jaate hain apnaa aap bayaan karne ke sau maaqul tariqon mein se khaamoshi ko chunne vaale umda shaair ho jaate hain but ke aage dhyaan lagaae baiThe rahte hain divaane ishq nibhaate rahne vaale dil pujaa-ghar ho jaate hain aap hamaare saath nahin rah sakte ho gar aisaa hai to aap hamaare bhitar rah lein aur ham baahar ho jaate hain"

"buton ke Thukraae but-paraston ko anjuman se qaraar aayaa tumhaare dair-o-haram se uTh kar hamein sukhan se qaraar aayaa jabin na aankhon se lab na aariz ki ik chhuvan se qaraar aayaa na aarzu-e-butaan rahe ham na is chalan se qaraar aayaa koi jalan dil mein aisi thi jo bujhi to soz-e-nazar se aakhir ye aisi ThanDak ki tishnagi thi jise tapan se qaraar aayaa tumhaaraa chehra bhi zindagi bhar ki uljhanon se thakaa huaa thaa hamaare shaane ki justuju ko bhi is thakan se qaraar aayaa alaahida zikr us kaa main ne kiyaa hai jab bhi kisi ghazal mein mizaaj-e-ruh-e-sukhan ko goyaa miri kahan se qaraar aayaa ham ishq vaalon ko meharbaano na chaaraagar kaa pata bataao kahaan sunaa hai kisi bhi marhum ko kafan se qaraar aayaa haTaa li aankhon se sabz surat basaae hain khvaab-e-sahraa in mein khizaan ke aashiq ki aagahi ko ujaaD ban se qaraar aayaa"

"syaah shab ki udaas aankhon mein nuur hogaa zarur hogaa use andhere se dosti par ghurur hogaa zarur hogaa ye marhala bhi hai is masaafat mein teraa rasta kahin nahin hai to band aankhon se koi rasta zuhur hogaa zarur hogaa ye rabt TuuTaa nahin hai aakhir kahaa-suni se to baat kyaa hai hamein to lagtaa hai zabt kaa sab qusur hogaa zarur hogaa ye rahbari hai ye rahzani hai ye kaisi afvaahein uD rahi hain ye 'ishq sidhaa saa 'ishq-e-kaamil huzur hogaa zarur hogaa yahi hai laa-haasili hamaari yahi faqat haasili rahegi jab 'ishq ko hi tu kah rahaa hai futur hogaa zarur hogaa vo ik takhallus jo ek vaa'de ke chalte ham ne chhupaae rakkhaa hamaari ghazlon se us kaa charchaa zarur hogaa zarur hogaa vo ik tasavvur hai jo mayassar hai vasl ho kar saraapaa mujh ko vo ik tasavvur jo jism hogaa to duur hogaa zarur hogaa"

"zamin nadiyaan falak saagar sitaare saath rahte hain kisi ke hijr ke maare ye saare saath rahte hain dar-o-divaar se ab minnat-e-hijrat nahin karnaa nazar ke juz bhi nazron mein nazaare saath rahte hain yahaan aanaa to koi dusri surat nahin laanaa tumhaare raazdaan bhi kuchh hamaare saath rahte hain falak ke baad hai kuchh na zamin se peshtar kuchh hai khudaayaa phir kahaan tere dulaare saath rahte hain phir us ke baad ruk jaate hain ye be-laus donon gaam samundar tak hi nadiyon ke kinaare saath rahte hain koi bhi gham guzar jaae na dil ko chhu ke is Dar se tere gham-khvaar bin tere pukaare saath rahte hain jahaan ke shauq mein jis ghar ko jangal kah diyaa tum ne usi ghar mein jahaan ke istiaare saath rahte hain"

"sochaa nahin thaa jaisaa nazaaraa huaa badan yaani falak ke naam sitaaraa huaa badan ilm-o-hunar se aap nikhaaraa huaa badan kitnaa sanvaariyegaa sanvaaraa huaa badan aayaa na koi kaam nakaaraa huaa badan apni vajudiyat kaa utaaraa huaa badan baazi-e-zist jaan se haaraa huaa badan ashaab-e-husn ab se tumhaaraa huaa badan hogaa khudaa kisi ki hifaazat ke vaaste mere liye to meraa sahaaraa huaa badan hairat-zada hai aaine ko dekh ru-ba-ru sau suraton se ek sanvaaraa huaa badan chashm-e-ghazaal honT kanval haae naa ji naa meraa badan na ho ke ishaara huaa badan"

"ham ne jis naam ko lughat samjhaa aap ne lafz-e-dastakhat samjhaa mujh ko mat meri hi sifat samjhaa main tiraa man huun itnaa mat samjhaa meri aadat the tum ne lat samjhaa haae samjhaa magar ghalat samjhaa laal khuun bhi hai khun-e-jaam bhi jaan apni aankhon ki asliyat samjhaa ishq karnaa munaafiqat hai dost gar nahin to salaahiyat samjhaa lafz-e-'tu' se hi thi mayassar jo ziist ko ham ne kaifiyat samjhaa"