Ghazal

"main shakl dekh ke kaise kahun ki kyaa hogaa hasin shakhs hai mumkin hai bevafaa hogaa tumhein khayaal bhi aayaa safar pe jaate hue tumhaare baad hamaaraa yahaan pe kyaa hogaa main jhuuT bol ke aayaa thaa vaapsi kaa jise vo shakhs ab bhi miri raah dekhtaa hogaa ye dosti na kahin pyaar mein badal jaae ab apne darmiyaan thoDaa saa faasla hogaa ye raaz mujh pe khulaa ab ki meraa koi nahin main sochtaa thaa mire saath bhi khudaa hogaa ye shaairi kaa to khud shauq thaa use 'jaanbaaz' haan shaairon se koi masala rahaa hogaa"

"mujhe banaane mein sab kaa kharcha lagaa huaa hai kisi kaa lohaa kisi kaa taanbaa lagaa huaa hai nahin hai apnaa koi bhi duniyaa jahaan mein lekin kisi ko khone kaa mujh ko khadsha lagaa huaa hai kabhi thi ThanDi zamin saae se jin ke logo hamaaraa aise shajar se shajara lagaa huaa hai vo shokh laDki hasin chehra kamaal baatein sunaa hai us kaa kisi se rishta lagaa huaa hai mujhe hamesha se batri kah ke hansne vaali tujhe hi takne se mujh ko chashma lagaa huaa hai kisi ki aankhein kisi kaa dil itnaa kah ke 'jaanbaaz' vo puchhtaa hai ki teraa kyaa kyaa lagaa huaa hai"

"is qadar thaa ye garebaan miraa chaak miyaan qais bhi dekh ke kahtaa thaa khatarnaak miyaan surkh aankhein naa phaTi aap ki poshaak miyaan hijr kaaTaa hai bhalaa aap ne kyaa khaak miyaan jaavedaan ishq ho apnaa ye duaa maangi thi phir huaa ishq kaa anjaam alamnaak miyaan pheink aayaa huun main ik rail ki paTri pe badan ghar mein rakhtaa bhalaa kab tak khas-o-khaashaak miyaan umr bhar mujh ko kisi ek kaa hone na diyaa mujh se baDh kar to miraa dil hi thaa chaalaak miyaan"

"sayyaad bataa to sahi is jaal mein kyaa hai gar dil nahin meraa to tire baal mein kyaa hai vaise to khud is chaand kaa qaail huun main lekin ik raushni ko chhoD kar is thaal mein kyaa hai majnun hi bataa saktaa hai lailaa ki fazilat yaa sohni se puchh ki mahivaal mein kyaa hai main hashr ke maidaan mein kah dungaa mohabbat puchhegaa khudaa jab tire aamaal mein kyaa hai ji kartaa hai un ko tiri tasvir dikhaa duun jo puchhte hain mujh se ki bangaal mein kyaa hai allaah banaa de mire ashkon ko kabutar sab puchh rahe hain tire rumaal mein kyaa hai"

"tu saamne hai par tiri ab bhi kami hai dost dariyaa ke paas hote hue tishnagi hai dost duniyaa se jaa rahaa huun kisi ki talab liye vaise ye zindagi baDi achchhi kaTi hai dost ye falsafe lapeT ke tum jeb mein rakho main khuub jaantaa huun mohabbat buri hai dost ab to bataa ki kyaa hai ye tere khayaal mein jitnaa main jaantaa huun mohabbat yahi hai dost aisaa nahin ki aankh mein aansu bache faqat in aansuon ke saath mein ik khvaab bhi hai dost sach-much to koi toD ke laataa nahin hai chaand ye shaairi hai aur faqat shaairi hai dost paane ki zid na koi bichhaDne kaa khauf hai achchhaa hai tujh se ishq nahin dosti hai dost"

"ye zaruri to nahin saath mein lashkar nikle karbalaa yaad karo sirf bahattar nikle girte girte hi sahi dauD ke aksar nikle gard aankhon mein liye jab bhi safar par nikle surkh dil dekh ke haathon mein uThaane vaale phir na kahnaa jo tire haath se patthar nikle sochtaa huun vo chamaktaa ho sitaaron jaisaa chaahtaa huun vo miri soch se baDh kar nikle kyon na main sher kahun aatish-e-gham mein jaanaan kyon na dil kaa ye dhuaan jism se baahar nikle"

"minnatein kartaa thaa ruk jaao miraa koi nahin mere roke se magar kaun rukaa koi nahin dost maashuq sanam aur khudaa koi nahin main to sab kaa huun par afsos miraa koi nahin ab to laazim hai ki vo shakhs miraa ho jaae ab to duniyaa mein miraa us ke sivaa koi nahin umr bhar saath nibhaane kaa ye vaada haae umr bhar saath bhalaa koi rahaa koi nahin mere maulaa ye tire saat arab logon mein koi bhi meraa nahin hai ba-khudaa koi nahin bevafaai ko baDaa jurm bataane vaale yaad hai tu ne bhi chal chhoD haTaa koi nahin main bhi qaail huun tiri chaaragari kaa lekin ik maraz aisaa bhi hai jis ki davaa koi nahin"

"aashiq jo is gali kaa bhi mar kar chalaa gayaa duniyaa se ek aur qalandar chalaa gayaa ghurbat kaa apne haal tujhe aur kyaa kahun ik din to ik faqir bhi uTh kar chalaa gayaa firaun apne daur kaa zinda hai aaj bhi duniyaa samajh rahi thi sitamgar chalaa gayaa chaaqu pe hai nishaan kisi be-gunaah kaa qaatil to haath mein liye khanjar chalaa gayaa vo tinkaa joD kar ke nasheman jo thaa banaa basti ki aag mein vo miraa ghar chalaa gayaa ummid kar chukaa thaa nae saal se bahut ik aur zakhm de ke december chalaa gayaa lailaa se jo milaa thaa vo patthar liye hue 'jaanbaaz' apne shahr se baahar chalaa gayaa"

"mere dil ko is tarah lagtaa tumhaaraa bojh hai jis tarah be-nur aankhon ko nazaara bojh hai ham ko kyaa matlab hasin hogi to hogi umr ye ham yatimon ke liye bachpan hamaaraa bojh hai donon kandhe jhuk gae aThra baras ki umr mein mujh akeli jaan par saare kaa saaraa bojh hai aasmaanon par bhi raaij hai zamin jaisaa nizaam dekh uupar aaj-kal koi sitaara bojh hai sar pe phirti hai liye vo apne pahle ishq ko kitni pyaari laDki hai aur kitnaa pyaaraa bojh hai sar pe mere pahle se thiin ghar ki zimmedaariyaan aur ab ye ishq yaaro kitnaa saaraa bojh hai"