Ghazal

"apnaa hotaa na kisi chashm-e-digar mein rahtaa aur kuchh roz jo main teri nazar mein rahtaa faasla dekh zaraa rizq-o-mohabbat ke beach aur khud soch ki kab tak main safar mein rahtaa koi apnon ke alaava bhi nibhaataa miraa saath koi lahron ke alaava bhi bhanvar mein rahtaa apni ummid to sarhad pe hi dam toD gai ab vo iraan mein rahtaa ki qatar mein rahtaa us ke jaate hi mohabbat ko nikaalaa dil se varna ye saanp bahut der khanDar mein rahtaa"

"baDi mushkil se niche baiThte hain jo tere saath uThte baiThte hain akele baiThnaa hogaa kisi ko agar ham tum ikaTThe baiThte hain aur ab uThnaa paDaa naa agli saf se kahaa bhi thaa ki pichhe baiThte hain yahin par silsila mauquf kar do ziyaada tajrabe le baiThte hain nigaahein kyuun na Thahrein us pe 'aafaaq' shajar par hi parinde baiThte hain"

"jaane kyaa aas lagaai hai safar se main ne ek tinkaa bhi uThaayaa nahin ghar se main ne varna chup kis se rahaa jaataa hai itnaa arsa tujh ko dekhaa hi nahin aisi nazar se main ne utar aayaa hai harifon ki taraf-daari par vo jise saamne karnaa thaa idhar se main ne yuun na kar vasl ke lamhon ko havas se taabir chand patte hi to toDe hain shajar se main ne dekhni ho kabhi bechaini to un se milnaa jin ko rokaa hai tiri khair-khabar se main ne"

"hamein bhi kaam bahut hai khazaane se us ke zaraa ye log to uTThein sirhaane se us ke yahi na ho ki tavajjoh haTaa le vo apni ziyaada der na bachnaa nishaane se us ke vo mujh se taaza mohabbat pe raazi hai lekin usuul ab bhi vahi hain puraane se us ke vo tiir itni riaayat kabhi nahin detaa ye zakhm lagtaa nahin hai gharaane se us ke vo chaDh rahaa thaa judaai ki siDhiyaan 'khurram' sarak rahaa thaa miraa haath shaane se us ke"

"har koi apne ghar palaT gayaa hai masala khair se nimaT gayaa hai kaan maanus hote jaaeinge aur lagegaa ki shor ghaT gayaa hai vo bhi khaamosh ho gayaa main bhi yuun lagaa jaise phone kaT gayaa hai ik qadam main ne aage kyaa rakhaa do qadam koi pichhe haT gayaa hai haath aankhon pe rakh ke chalte hain raasta ab to itnaa raT gayaa hai"

"kisi tarah sambhal nahin rahaa huun main ki bah rahaa huun chal nahin rahaa huun main gale lagaa ai mausamon ke devtaa badal mujhe badal nahin rahaa huun main ye sukh bhi hai ki tere taaqche mein huun ye dukh bhi hai ki jal nahin rahaa huun main savaal puchhne lage hain raaste safar pe kyuun nikal nahin rahaa huun main tulua ho rahaa huun dusri taraf udaas mat ho Dhal nahin rahaa huun main"

"nataaej jab sar-e-mahshar mileinge mohabbat ke alag number mileinge koi chaalaak paani pi gayaa hai ghaDe mein ab faqat kankar mileinge ye divaarein kisi ki muntazir hain yahaan har samt calender mileinge havaa ki pairvi karni paDegi yunhi thoDi shajar jhuk kar mileinge tumhaari mezbaani ke bahaane koi din ham bhi apne ghar mileinge"

"ham to samjhe the mohabbat ki laDaai saahab aap talvaar uThaa laae hain bhaai saahab dhuup taalaab kaa huliya to badal sakti hai itni aasaani se chhuTti nahin kaai saahab khaak ko khaak pe dharne kaa maza apnaa hai hijr mein kaun bichhaataa hai chataai saahab phir bhi aavaargi zaaea nahin jaane vaali koi bhi chiiz agar haath na aai saahab"

"tufaan ki ummid thi aandhi nahin aai vo aap to kyaa us ki khabar bhi nahin aai kuchh aankhon mein to ho gayaa aabaad vo chehra kuchh bastiyon mein aaj bhi bijli nahin aai har roz palaT aate the mehmaan kisi ke har roz ye kahte the ki gaaDi nahin aai vo aag bujhi to hamein mausam ne jhinjhoDaa varna yahi lagtaa thaa ki sardi nahin aai shaayad vo mohabbat ke liye Thiik nahin thaa shaayad ye anguThi use puuri nahin aai"

"davaa se hal na huaa to duaa pe chhoD diyaa tiraa moaamla ham ne khudaa pe chhoD diyaa bahut khayaal rakhaa meraa aur darakhton kaa phir us ne donon ko aab-o-havaa pe chhoD diyaa muaaf vo karein jin kaa qusur-vaar hai tu adaalaton ne tujhe kis binaa pe chhoD diyaa baghair kuchh kahe main ne palaTne kaa sochaa aur ek phuul dar-e-iltijaa pe chhoD diyaa"

"koshish ke baavajud bhi saakin nahin rahaa kuchh din main saamne rahaa kuchh din nahin rahaa pahle ye rabt meri zarurat banaaoge aur phir kahoge raabta mumkin nahin rahaa ham ek vaardaat se thoDe hi duur hain vo haath lag gayaa hai magar chhin nahin rahaa schōl ke dinon se mujhe jaante ho tum main aaj tak savaal kiye bin nahin rahaa ik raat us ne chand sitaare bujhaa diye us ko lagaa thaa koi unhein gin nahin rahaa"

"jaane kyaa aas lagaai hai safar se main ne ek tinkaa bhi uThaayaa nahin ghar se main ne varna chup kis se rahaa jaataa hai itnaa arsa tujh ko dekhaa hi nahin aisi nazar se main ne utar aayaa hai harifon key taraf-daari par vo jise saamne karnaa thaa udhar se main ne yuun na kar vasl ke lamhon ko havas se taabir chand patte hi to toDe hain shajar se main ne dekhni ho kabhi bechaini to un se milnaa jin ko rokaa hai tiri khair-khabar se main ne"

"ye sitaara bhi Duub saktaa hai dil tumhaaraa bhi Duub saktaa hai saath rakho bachaane vaalon ko vo dobaara bhi Duub saktaa hai Duub saktaa hai vo agar aadhaa phir to saaraa bhi Duub saktaa hai apni kashti to is bhanvar mein hai jis mein dhaaraa bhi Duub saktaa hai jo bachaataa hai Dubne vaale vo idaara bhi Duub saktaa hai"

"aise sahraa se na rishta ban jaae ek baarish mein jo dariyaa ban jaae buraa bantaa huun ki shaayad aise vo mire saamne achchhaa ban jaae kaamyaabi tire paanv chume tere gaalon pe sitaara ban jaae koi yaadon ke ghane jangal se yuun guzartaa hai ki rasta ban jaae patthar us vaqt nazar aate hain paani jab aaine jaisaa ban jaae"

"jab ham muTThi kholeinge nai kahaani kholeinge zakhm key izzat karte hain der se paTTi kholeinge chehra paDhne vaale chor gaThri thoDi kholeinge dil kaa vahm nikaaleinge gale key Dori kholeinge vo khud thoDi aaegaa naukar kunDi kholeinge zor se gaanTh lagaai thi daant se rassi kholeinge"