Ghazal

"tanhaa na mahr mein hai rukh-e-yaar ki tarah mah mein tamaam us ke hai rukhsaar ki tarah hairaan aise naiin hui aankhon ko us ki dekh nargis chaman mein rahti hai bimaar ki tarah main sun ke jo qayaas kiyaa vo dahaan-e-tang khandaan to hai pe khanda-e-sofaar ki tarah sina-sipar huun bul-havasaan kab ki yaar ke paivasta abru laDte hain talvaar ki tarah rakhiyo hazar ai dil ki mujhe aaj be-tarah aati nazar hai shokh dil-aazaar ki tarah aghyaar us ki bazm mein hain aur dar par aah ham hi paDe raheinge gunahgaar ki tarah kahte the qais-o-vaamiq-o-farhaad vaah-vaa koi aashiqi kare to 'jahaandaar' ki tarah"

"sina-e-pur-soz yaksu chashm-e-giryaan yak taraf dil bache kyaa yak taraf aatish hai tufaan yak taraf daam sabze ke se bachnaa taair-e-dil hai muhaal sabza-e-khat yak taraf zulf-e-pareshaan yak taraf mustaid hain us but-e-tannaaz par bahr-e-nisaar yak taraf sabr-o-dil-o-din jaan-o-imaan yak taraf kis pe shab-khun maarne kuun ki saf-aaraa fauj-e-naaz yak taraf syaahi misi ki surkhi-e-paan yak taraf phir bahaar aai jo baaham mustaidd-e-jang hain yak taraf dast-e-junun jaib-o-garebaan yak taraf Tuk samaa kar ai 'jahaandaar' aaj us kuche mein jaa tegh-bar-kaf hai vo yaksu aur raqibaan yak taraf"

"qismat ko apne likkhe ke taiin kaun dho sake sab ho sake va-lek ye itnaa na ho sake phulon ki sej us ke liye farsh-e-khaar hai tujh bin kisi tarah tiraa aashiq na ho sake tujh bin na kar sake mai-e-ishrat se halq tar khun-naab-e-gham se lab tiraa aashiq na ho sake gar chaahe gulshan-e-dil-e-pur-daagh ki bahaar tu tukhm-e-ashk jitne ki ai diida bo sake dekhaa asar tumhaaraa bhi ai chashm-e-ashk-baar kuchh kar sake na us kaa ghar apnaa Dubo sake dil ki havas nikaal lein aah-o-fughaan bhi aap ye bhi na darguzar karein jo un se ho sake naiin jaan-o-dil ke khone 'jahaandaar' ko daregh yaad us ki par na jaan-o-dil apne se kho sake"

"is vaqt baare kuchh to karam-bakhshi kijiye guzre ham aur baat se gaali hi dijiye sabr aur din-o-dil to tum aage hi le chuke baaqi hai jaan hamaari so ab ye bhi lijiye deve vo jaam ghair kuun yuun mere saamne ye dekh kyunki khun-e-dil apnaa na pijie naaseh ye kyaa hisaab ki main jeb ko silaaun behtar hai aap munh ke taiin apne si jiye patthar bhi bilke dekh 'jahaandaar' kaa ye haal pyaare kabhu to aap bhi is par pasijiye"

"mat boliyo tu us se 'jahaandaar' dekhnaa khinche hue hai aaj vo talvaar dekhnaa abru-kamaan se tir-e-nigah maar dekhnaa lagti hai paar dil ke mire yaar dekhnaa giryaan huun ek umr se puchhaa na yaar ne rotaa hai kaun ye pas-e-divaar dekhnaa taalim ashk-o-aah se li mere abr ne jo yuun baras rahaa hai dhuaan-dhaar dekhnaa sar-rishta kufr-o-din kaa haqiqat mein ek hai jo taar-e-subha hai so hai zunnaar dekhnaa yaaro main kah rahaa thaa ki dil mat de de ke dil aayaa hai tang kyaa hi 'jahaandaar' dekhnaa"

"ji bharaa aataa hai khaali mai kaa pyaala de gayaa dekhiyo kyaa aaj ham ko shokh-baalaa de gayaa us but-e-paimaan-gusil ko jab ki main laataa huun ghar kui nikoi de ke baalaa mujh ko taalaa de gayaa chaak-e-sina ko jigar ko daagh-e-dil ko dard-e-zakhm taajir-e-gham shahr-e-ulfat ke ye kaalaa de gayaa kal ke din dikhlaa ke apnaa jalva-e-sanat-gari yaad apni shab ko vo baari-taaalaa de gayaa naam apnaa japne ko har har tarah se har jagah subha to masjid mein but-khaane mein maalaa de gayaa"

"dil parastaar hain sab khalq ke murat ki tiri diida hain qibla-numaa kaaba-e-surat ki tiri ghair ke vaaste pakDe hai tu har dam sau baar mutahammil nahin ham aise kudurat ki tiri bul-havas jaan nahin khone ke khaatir se tiri ham hain sar dene ko hain vaqt-e-zarurat ki tiri mushaf-e-husn hai lo mukhDaa tiraa hai vashshams yaad rahti hai mujhe nit usi surat ki tiri naiin parastish se 'jahaandaar' ki tu khush varna dil parastaar hain sab khalq ke murat ki tiri"

"dil-e-pur-khun jo jaam hai meraa khuun sharb-e-mudaam hai meraa rind-o-aavaara naam hai meraa sab mein ye ehtiraam hai meraa aariz o zulf-e-yaar kaa dhyaan munis-e-subh-o-shaam hai meraa umr guzri ki misl-e-naqsh-e-qadam us ki rah mein qayaam hai meraa aah ik din bhi dekh kar na kahaa ye bhi kui naqsh-e-gaam hai meraa qaasid us harf-e-naa-shunu tak jald yahi jaagah payaam hai meraa abhi aanaa hai to shitaabi aa kaam varna tamaam hai meraa hai usi but ke taaq-e-abru ko jo sujud o salaam hai meraa gaah be-khud huun gah ba-khud har dam kuuch aur ye maqaam hai meraa ai 'jahaandaar' huun main said-e-asir har kham-e-zulf daam hai meraa"

"dekh teraa jamaal kuchh kaa kuchh dil mein aayaa khayaal kuchh kaa kuchh aaj lagtaa hai meri aankhon mein vo miraa naunihaal kuchh kaa kuchh dekh us manharan ki aankhon ko ho gayaa us kaa haal kuchh kaa kuchh khat pe us ke to thi kuchh aur hi bahaar hai faribinda khaal kuchh kaa kuchh hai taraqqi mein us khush-abru kaa husn misl-e-hilaal kuchh kaa kuchh haal dikhlaate hain zamaane kaa gardish-e-maah-o-saal kuchh kaa kuchh ai 'jahaandaar' mashq-e-sher mein ab tu ne paayaa kamaal kuchh kaa kuchh"

"main to sau baar tire milne ko aayaa tanhaa lekin afsos kabhi tujh ko na paayaa tanhaa shirk se khaali kisi kaa na nazar aayaa dil vo baDe zarf hain jin mein tu samaayaa tanhaa kis ko daavaa nahin ulfat kaa tiri aalam mein aashiqon mein tire main hi na kahaayaa tanhaa band-e-kaakul mein tire ji bhi hamaaraa hai asiir daam mein zulf ke dil hi na phansaayaa tanhaa kal 'jahaandaar' ham aur yaar the Tuk mil baiThe bakht-e-naa-saaz ne phir aaj biThaayaa tanhaa"

"mujh se aashiq ke taiin maar ke kyaa paavegaa muft badnaami tujhe hovegi pachhtaavegaa jo tiraa aashiq-e-raftaar hai juun naqsh-e-qadam tere kuche ke taiin chhoD kahaan jaavegaa ghair ke kahne par ai yaar na kahiyo hargiz ye samajh rakhiyo vo shaitaan hai bahkaavegaa dahr mein tere farebon se ai shokh ayyaar kam koi hogaa na dil jis kaa daghaa paavegaa yaar ko tarz-e-jafaa se nahin rakhne kaa baaz naasehaa har ghaDi mujh ko hi to samjhaavegaa aashnaai na 'jahaandaar' se toD ai pyaare aisaa aashiq na jahaan mein tu koi paavegaa"

"jo kuchh kiyaa so ham ne kiyaa apni chaah se ab shikva kijiye na kuchh us rashk-e-maah se aashiq ke rozgaar ko us ne siyah kiyaa kaakul se khat se zulf se khaali siyaah se taab-o-tavaan-o-din-o-dil-o-aql-o-sabr-o-hosh vo shokh mujh se le gayaa sab ik nigaah se ki charkh kaj-ravish ne ye kyaa kaj-adaai kharch jo ham ko aashnaa kiyaa us kaj-kulaah se kasrat nujum ki na falak par ye samjhiyo ghirbaal ho gayaa hai mire tir-e-aah se us shokh khud-pasand se puchhe koi sahi saabit huaa hai qatl miraa kis gunaah se pyaare abas hue ho 'jahaandaar' se khafaa be-dil na ho tum aise dili-khair-khvaah se"

"ai zaalim tire jab se paale paDe hamein apne jiine ke laale paDe phire DhunDte paa-barahna tujhe yahaan tak ki paanv mein chhaale paDe kiyaa hai ye tughiyaan mire ashk ne ki bahte hain duniyaa mein naale paDe chalaa ghair par naiin ye tir-e-nigaah hamaari hi chhaati pe bhaale paDe hamein kyuun ki vo shokh baale na de ki ab kaan mein kaan baale paDe miraa khun-e-dil yuun bahaa dasht mein ki jangal mein lohu ke thaale paDe 'jahaandaar' gham hai kisi laala-ru kaa jo dil par tire daagh kaale paDe"

"duniyaa mein koi dil kaa kharidaar na paayaa sab dekhe dil-aazaar hi dildaar na paayaa kab ghair ko ham-rah tire ai yaar na dekhaa tujh gul ko kabhi ham ne to be-khaar na paayaa tujh rukh se na burqaa uThaa ai ghairat-e-khurshid zarra tiraa mushtaaqon ne didaar na paayaa ham sar hi paTakte rahe darvaaze ke baahar par ghar mein tire aanaa kabhi baar na paayaa kis se kahun apnaa gham-e-dil aah azizaan duniyaa mein koi munis-o-gham-khvaar na paayaa har tarah gale paD ke diyaa ham ne tujhe dil jab tujh saa yahaan koi tarah-daar na paayaa dekh us ki hui aisi ze-khud-raftagi tujh ko kal aap mein main tujh ko 'jahaandaar' na paayaa"

"jo mar gae tiri chashm-e-siyaah ke maare na hashr ko bhi uTheinge nigaah ke maare misaal-e-barg-e-khizaan sarsar-e-firaaq se aah paTakte phirte hain sar ham tabaah ke maare azizo dil na do yusuf ki kar ke chaah kabhi ki jaa ke chaah mein girte hain chaah ke maare ilaahi hashr mein aavaaz-e-sur sun kyunkar uThungaa aah main baar-e-gunaah ke maare hazar kar aah-e-dil-e-naatavaan se ai zaalim ki koh Tal gae hain barg-e-kaah ke maare na samjhiyo ki falak par sitaare hain raushan hain rakhna-daar mire tir-e-aah ke maare bisaan-e-naqsh-e-qadam tere dar se ahl-e-vafaa uThaate sar nahin hargiz tabaah ke maare ujaD gae khirad-o-sabr-o-hosh-o-taab-o-tavaan usi ke naaz-o-adaa ki sipaah ke maare jahaan-e-dil ai 'jahaandaar' ek din na basaa jafaa-e-shaah-e-taghaaful-shiaar ke maare"

"yaar ke bin bahaar kyaa kiije gul na hove to khaar kyaa kiije kaam meraa to ho chalaa aakhir ai mire kirdgaar kyaa kiije koi vaa'da vafaa nahin kartaa vo taghaaful shi'aar kyaa kiije misl-e-aaina khud-numaa meraa sab se ho hai do-chaar kyaa kiije soz-e-dil meraa mujh ko de hai jalaa aah misl-e-chinaar kyaa kiije ishq ne kar diyaa mujhe majbur ab nahin ikhtiyaar kyaa kiije misl-e-zulf-e-butaan fasaana-e-dil hai tavil ikhtisaar kyaa kiije guzri jo dil pe mere ho guzri us kaa ab ishtihaar kyaa kiije dil to gulchin hai tere gulshan kaa le ke gul-ru hazaar kyaa kiije vo to aataa nahin hai mere paas ai dil-e-be-qaraar kyaa kiije be-tarah hai mujhe ye mushkil ishq saahab-e-zulfiqaar kyaa kiije ai 'jahaandaar' sab jahaan DhunDaa naiin kui gham-gusaar kyaa kiije"

"kaun si baat tiri ham se uThaai na gai par jafaa-ju tiri ye nit ki laDaai na gai na kahaa thaa ki tu qaatil ho miraa main maqtul sarnavisht apni kisi hi se miTaai na gai qasd har chand kiyaa sikhne kaa bulbul ne vaza naale ki miri us se uDaai na gai dil-e-sozaan ki 'jahaandaar' tire taa-ba-falak kaun si aah thi jo misl-e-havaai na gai"

"jo kuchh ki tu ne sar pe mire dilrubaa kiyaa dil hi vo jaantaa hai kahun kyaa main kyaa kiyaa mat puchh aah-e-ishq ke khubaan ke kyaa kiyaa rusvaa kiyaa kharaab kiyaa mubtalaa kiyaa yaaro kahe rakhe huun main daavaa na kijiyo qaatil ko apne main ne ba-hal khun-bahaa kiyaa mulzim kiyaa hai aah kisi ne mujhe ba-aks aaina-ru kaa apne main jis se gila kiyaa ban baiThtaa hai muft mire ji kaa muddai izhaar us se dil kaa main jab muddaaa kiyaa be-mehri teri kyaa kahun ai sang-dil ki chuur mujh dil kaa shisha tu ne ba-sang-e-jafaa kiyaa us bin na qibla samjhun na qibla-numaa ko main qibla use dil apne ko qibla-numaa kiyaa maltaa hai ai nigaar kaf-e-paa kuun apne aah kyaa tu ne mere khuun ko rang-e-hinaa kiyaa ye chashm-daasht tujh se 'jahaandaar' ko na thi jo ghair ke liye use tu ne jafaa kiyaa"

"yak do jaam aur bhi de tu saaqi na rahe dil mein aarzu saaqi meri taskin na hogi saaghar se munh se mere lagaa subu saaqi raat o din mai-kashon ko rahti hai teri hi yaad o justuju saaqi rind-e-muflis ko de hai zyaad sharaab bhaai mujh ko tiri ye khu saaqi aah tujh bin hain zaar-o-naalaan ham bhuli masti ki haav-hu saaqi shisha-e-mai ki tarah se ham aaj rakhte hain girya dar-gulu saaqi kisi ke aage misl-e-saaghar ham laate hain dast-e-aarzu saaqi laate hain misl-e-shisha-e-baada tere hi aage sarfaru saaqi ro nahin us ko bazm-e-mastaan mein jis ke taiin tu na deve ru saaqi de 'jahaandaar' ko vo mai jis kaa hove gul kaa saa rang-o-bu saaqi"

"suntaa nahin kisu hi ki vo yaar dekhnaa kiijo na us se haal-e-dil izhaar dekhnaa gustaakh be-tarah hai tujh aaghosh se ye haath ho jaaegaa gale kaa tire haar dekhnaa tujh dar pe misl-e-naqsh-e-qadam ek umr se pyaare fataada hai ye gunahgaar dekhnaa ghar tere gae pe tujh kuun na paayaa bilaa raqib mujh ko huaa ye gul ke evaz khaar dekhnaa sham-e-jamaal apne pe chaahe jo imtihaan parvaana-vaar mujh ko bhi yak-baar dekhnaa koi tira-bakht mujh saa bhi hogaa jahaan mein tujh zulf se milaa na mujhe taar dekhnaa is raaz-e-ishq ko kahin ro ro ke shama saan izhaar kijiyo na 'jahaandaar' dekhnaa"

"yaar jab ham-kanaar hovegaa dil ko mere qaraar hovegaa guzraa mujh khaak se jo daaman-kash ye vahi shahsavaar hovegaa taab kyaa maah-e-chaar-dah ko jo Tuk us pari se do-chaar hovegaa mehr us rukh ke aage afsurda juun charaagh-e-mazaar hovegaa gul nazaakat ke aage us ru ke chashm-e-bulbul mein khaar hovegaa sarv is qadd-e-raast ke aage banda-e-chobdaar hovegaa garche aalam mein har koi teraa aashiq-e-gham-gusaar hovegaa yaad kar ham saa par na kui pyaare fidvi-e-jaan-nisaar hovegaa ai 'jahaandaar' kab vo aaina-ru dekho mujh se do-chaar hovegaa"

"kal tak us ki vo mehrbaani thi aaj dekhaa to sargiraani thi kiyaa ghamgin us ne ham ko nit jis ke milne ki shaadmaani thi go ba-zaahir vo ghair se thaa do-chaar ham se bhi dosti nibhaani thi jal-bujhe tab khulaa patangon par shama aur dosti zabaani thi aa gayaa rahm us ke dil mein aah ham ne yuun apni marg Thaani thi so gayaa sunte hi vo gham ki mire sarguzisht us ke taiin kahaani thi na 'jahaandaar' jaane thaa ai 'mir' dosti muddai-e-jaani thi"

"jab aaftaab ho taalea sarir-e-hashmat par tajalli nur-e-khudaavand ki nazar aave va-lek dekh sake kaun bhar nazar us ko khudaa ke nur-e-jalaali se sab ko Dar aave majaal kis ki jo har chaar chashm us ke huzur adab se mujre ko har ik jhukaae sar aave hai tujh mein bhi to 'jahaandaar' us ki shama kaa nuur jo dekhe khashm se to barq kar hazar aave"

"maalum hi nahin ki mujhe kyaa balaa huaa kuchh dekhte hi tujh ko ye dil mubtalaa huaa garmi-e-bazm aaj hai kuchh had seti ziyaad divaar pichhe koi na ho dil jalaa huaa taskin hui use jo gayaa be-qaraar vaan kucha tiraa kahaan huaa daarushshifaa huaa bose ke maangne ke sivaa aur kuchh bataa taqsir ham ne kyaa ki jo itnaa khafaa huaa lagte hi Thes phoDe ki maanind bah chalaa kyaa kahiye aah dil na huaa aabla huaa gul dil-figaar o laala huaa gham se daaghdaar jaise ki tere haathon pe rang-e-hinaa huaa daulat se daagh-e-ishq ke siina miraa tamaam aa dekh misl-e-takhta-e-gul khush-fazaa huaa us ki gali mein dekhaa 'jahaandaar' ke taiin maanind-e-naqsh-e-paa thaa sar-e-rah paDaa huaa"