Ghazal

"faraaz-e-daar ko zauq-e-junun talaash kare ye dil ki teri nazar kaa fusun talaash kare sukun ke liye pahle nazar nazar se mile nazar milaa ke ye dil phir sukun talaash kare kisi ne zohd kiyaa aur to koi mast huaa jise tu yuun nahin miltaa vo yuun talaash kare lo aaj ramz-e-nihaan ko ayaan karun ki bashar barun pe sabt hai takhti darun talaash kare tamaam shahr shajar bheDiyon ke jaisaa hai har ek pyaas bujhaane ko khuun talaash kare"

"kab haqiqat vo bhalaa duniyaa mein jaam-e-jam ki hai jo tumhaare mai-kade mein meri chashm-e-nam ki hai main kisi ke lams ki taasir khud mein bhar to luun aabru lekin mujhe pyaari tumhaare gham ki hai zulf kaa har pech uljhaav mein Daale hai magar asal mein jaadugari teri kamar ke kham ki hai dekh lete hain to baDhti hai talab kuchh aur bhi go kahaani saamne ki zakhm par marham ki hai khaak mein paani milaa kar aag par hai rakh diyaa ab mujassam ko zarurat tujh havaa ke dam ki hai rukh pe aanchal kis liye ye ajnabi lahja hai kyon sarsaraahaT ye yaqinan hijr ke parcham ki hai chal na paaeinge kisi ke vasvase mujh par 'shajar' paDh kar us ke naam ki tasbih khud pe dam ki hai"

"zakhm taaza kiye kuchh aur masihaai ne pher li aankh tamaashe se tamaashaai ne dekhne vaale kaa dil haath pe le aai hai kyaa fusun phunk diyaa hai tiri angDaai ne muskuraaun to nami aankh mein aa jaati hai yuun uchhaalaa hai mujhe dard ki gahraai ne aah-o-zaari ke sivaa paas mire kuchh bhi nahin kaaT kar rakh diyaa mujh ko miri tanhaai ne khaak mein mil gayaa pindaar-e-vafaa kyaa kiije zakhm vo dil pe lagaayaa hai shanaasaai ne"

"kahi jo ham ne ghazal ik ghazal ke chehre par chaDhaai tevri us ne machal ke chehre par hamaare shahr mein kuchh din guzaar kar dekho udaasi raqs karegi uchhal ke chehre par baDhaataa jaaungaa har chand raunaq-e-maqtal main chal paDaa huun lahu apnaa mal ke chehre par talaash karte hain vo aaj apne chehre ko jo phirte rahte the chehre badal ke chehre par khizaan bahaar ki masnad pe aa gai haae naqaab kar liyaa us ne sanbhal ke chehre par fazaa-e-makr ne sahraa ko kar diyaa dariyaa saraab sajne lage hain ramal ke chehre par idhar marungaa udhar mar ke ji uThungaa 'shajar' hayaat main ne paDhi hai ajal ke chehre par"

"ghurur-e-bazm-e-tarab ko nami ne maar diyaa hamaare zabt ko teri kami ne maar diyaa dar-e-najaf se zaraa ikhtiyaar haasil kar na kah sakegaa kabhi bebasi ne maar diyaa darun-e-khaana-e-hasti ye kaisaa shor uThaa badan mein kaal paDaa bekali ne maar diyaa qalam ne lauh pe sar rakh ke aisaa girya kiyaa ghazal ne bain kiye shaairi ne maar diyaa duaa jo maut ki maangi to ye javaab milaa na mar sakaa vo jise zindagi ne maar diyaa samajh rahaa thaa use haasil-e-hayaat magar uThaa hijaab mujhe aagahi ne maar diyaa unhin pe hogi 'shajar' guftugu zamaane mein kuchh aise log jinhein khaamushi ne maar diyaa"

"aankh se aankh mile ramz khule baat chale din nikalne do ki pahlu se mire raat chale teri chuDi ki khanak se huaa taskhir ye dil teri aankhon ke ishaaron pe khayaalaat chale vo sahar-khez hansi vo tiraa sharmaa jaanaa kaise kaise miri hasti pe tilismaat chale zikr ko neze ki rifat pe sajaayaa jis ne rah gayaa haq kaa vo markaz so mazaafaat chale koi takhliq ke asbaab bhi samjhe naa zaraa ek nuqte se ayaan rang yahaan saat chale jab main taskhir tire raaz ko kar paayaa to phir mire raqs pe duniyaa tire naghmaat chale maktab-e-aql paDhaa paDh ke chalaa maikhaane jab na daanaai chali phir mire jazbaat chale purze purze hai tire hijr mein pairaahan-e-jaan mujh mein saanson ki tarah yuun tire sadmaat chale lauT aaegi miri samt 'shajar' hariyaali phir jo ik baar usi lams ki khairaat chale"

"milan na raaegaan jaae samay se paar milein ki ek dusre kaa ban ke ham qaraar milein ajiib apnaa muqaddar ajiib mahrumi ki tere hote hue tere intizaar milein main naqd-e-jaan ko bhi shauq se rakhun girvi tumhaare qurb ke lamhe agar udhaar milein bahaar phuul dhanak chaandni ghaTaa mausam tumhaari ek hansi par sabhi nisaar milein jo khol khol ke dekhun ye zakhm-haa-e-jigar ajab nahin ki hamein doston ke vaar milein khushaa nasib ki manzil qarib-tar hogi dhamaal Daalo jo raste mein tum ko khaar milein hadon ne chhin liyaa hai hamaaraa qurb sanam so apne apne badan ko zaraa utaar milein ye imtiyaaz-e-man-o-tu miTegaa kab aakhir myaan-e-taalib-o-mtlub bhi hisaar milein samajh gayaa thaa tujhe dekhte hi jaan-e-'shajar' hazaar baar luTeinge jo ek baar milein"

"ummid ke diye ki mukhaalif havaa bhi hai laDne kaa aandhiyon se magar hausla bhi hai jaane ko tere shahr se tayyaar hain magar ham jaa nahin sakeinge hamein ye pataa bhi hai ham ne bhi zulmaton ko miTaayaa hai apne taur suraj ke saath saath hamaaraa diyaa bhi hai koi to hai jo khaana-e-hasti mein hai muqim aavaaz mein hamaari vahi boltaa bhi hai ummid-e-subh-e-vasl kaa dam TuTne lagaa kuchh kah shab-e-firaaq tiri intihaa bhi hai chalte chalo ki manzilein aa kar mileingi khud kuchh dar hue hain band to ik dar khulaa bhi hai ham khud-pasandiyon se nikalne lage 'shajar' ham sochne lage hain hamaaraa khudaa bhi hai"