dil-e-be-muddaaa kaa mudda'aa kyaa — Davarka Das Shola

"apnon ke sitam yaad na ghairon ki jafaa yaad vo hans ke zaraa bole to kuchh bhi na rahaa yaad kyaa lutf uThaaegaa jahaan-e-guzaraan kaa vo shakhs ki jis shakhs ko rahti ho qazaa yaad ham kaag uDaa dete hain botal kaa usi vaqt garmi mein bhi aa jaati hai jab kaali ghaTaa yaad mahshar mein bhi ham teri shikaayat na kareinge aa jaaegi us din bhi hamein shart-e-vafaa yaad pi li to khudaa ek tamaashaa nazar aayaa aayaa bhi to aayaa hamein kis vaqt khudaa yaad allaah tiraa shukr ki ummid-e-karam hai allaah tiraa shukr ki us ne bhi kiyaa yaad kal tak tire baais main use bhulaa huaa thaa kyuun aane lagaa phir se mujhe aaj khudaa yaad"

"zaraa nigaah uThaao ki gham ki raat kaTe nazar nazar se milaao ki gham ki raat kaTe ab aa gae ho to mere qarib aa baiTho dui ke naqsh miTaao ki gham ki raat kaTe shab-e-firaaq hai sham-e-umid le aao koi charaagh jalaao ki gham ki raat kaTe kahaan hain saaqi-o-mutrib kahaan hai pir-e-haram kahaan hain sab ye bulaao ki gham ki raat kaTe kahaan ho mai-kade vaalo zaraa idhar aao hamein bhi aaj pilaao ki gham ki raat kaTe nahin kuchh aur jo mumkin to yaar 'shola' ki koi ghazal hi sunaao ki gham ki raat kaTe"

"nahin kahte kisi se haal-e-dil khaamosh rahte hain ki apni daastaan mein tere afsaane bhi aate hain vo jin par fakhr hai farzaangi ko nukta-daani ko tiri mahfil mein aise chand divaane bhi aate hain adab kartaa huun masjid kaa vahaan har roz jaataa huun ki us ki raah mein do-chaar maikhaane bhi aate hain hamaare mai-kade mein mai bhi hai imaan ki baatein bhi yahin to ek saahab vaaz farmaane bhi aate hain na ghabraa chaahne vaalon se ye to ain-e-fitrat hai ki shama nur-afshaan ho to parvaane bhi aate hain"

"ek rahzan ko amir-e-kaarvaan samjhaa thaa main apni bad-bakhti ko manzil kaa nishaan samjhaa thaa main teri maasumi ke sadqe meri mahrumi ki khair ai ki tujh ko surat-e-aaraam-e-jaan samjhaa thaa main dushman-e-dil dushman-e-din dhushman-e-hosh-o-havaas haae kis naa-mehrbaan ko mehrbaan samjhaa thaa main dost kaa dar aa gayaa to khud-bakhud jhukne lagi jis jabin ko be-niyaaz-e-aastaan samjhaa thaa main qaafile kaa qaafila hi raah mein gum kar diyaa tujh ko to zaalim dalil-e-rah-ravaan samjhaa thaa main mere dil mein aa ke baiThe aur yahin ke ho gae aap ko to yusuf-e-be-kaarvaan samjhaa thaa main ik darogh-e-maslahat-aamez thaa teraa suluk ye haqiqat thi magar ye bhi kahaan samjhaa thaa main zindagi inaam-e-qudrat hi sahi lekin ise kyaa ghalat samjhaa agar yaar-e-garaan samjhaa thaa main pher thaa qismat kaa vo chakkar thaa mere paanv kaa jis ko 'shoala' gardish-e-haft-aasmaan samjhaa thaa main"

"dekh jurm-o-sazaa ki baat na kar mai-kade mein khudaa ki baat na kar main to be-mehriyon kaa 'aadi huun mujh se mehr-o-vafaa ki baat na kar shauq-e-be-muddaaa kaa maaraa huun shauq-e-be-muddaaa ki baat na kar vo to muddat hui ki TuuT gayaa mere dast-e-du'aa ki baat na kar jo nahin ikhtiyaar mein mere us but-e-bevafaa ki baat na kar 'ishq ki intihaa ko dekh zaraa 'ishq ki ibtidaa ki baat na kar kyaa milaa fikr ki rasaai se meri fikr-e-rasaa ki baat na kar is ki taqdir mein kharaabi thi is dil-e-mubtalaa ki baat na kar jo bhi honaa thaa ho gayaa 'sho'la' karam-e-naakhudaa ki baat na kar"

"ziist be-vaaada-e-anvaar-e-sahar hai ki jo thi zulmat-e-bakht ba-har-rang-o-nazar hai ki jo thi ishq barbaad-kun-e-raahat-e-dil hai ki jo thaa shokhi-e-dost ba-andaaz-e-digar hai ki jo thi aaj bhi koi nahin puchhtaa ahl-e-dil ko aaj bhi zillat-e-arbaab-e-nazar hai ki jo thi khud-parasti kaa rivaaj aaj bhi hai aam ki thaa raasti aaj bhi mohtaaj-e-asar hai ki jo thi aaj bhi jazba-e-ikhlaas pareshaan hai ki thaa aaj bhi dida-vari khaak-basar hai ki jo thi aaj bhi ilm-o-hunar ki nahin koi vaqat ab bhi naa-qadri-e-ashaab-e-hunar hai ki jo thi aaj bhi mehr-o-vafaa ki nahin qimat koi aaj bhi manzilat-e-kisa-e-zar hai ki jo thi kaamraani pe hai naazaan havas-e-hech madaar aashiqi aaj bhi baa-dida-e-tar hai ki jo thi ruh-e-ikhlaas to dar-band hai be-pursish-e-haal midhat-e-husn sar-e-raahguzar hai ki jo thi saaf-goi ko samajhte hain yahaan aib ab bhi zehniyat aaj bhi aaluda-e-shar hai ki jo thi asp-e-taazi ko mayassar nahin chaaraa 'shoala' aur tan-zebi-o-aaraaish-e-khar hai ki jo thi"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"

"jaagte hi nazar akhbaar mein kho jaati hai zindagi dard ke ambaar mein kho jaati hai naa-khudaa aql ke patvaar uThaataa hai ki jab kashti-e-dil miri manjdhaar mein kho jaati hai be-sabab sochne vaale kabhi sochaa tu ne aagahi kasrat-e-afkaar mein kho jaati hai uDte rahte hain khayaalaat ke jugnu phir bhi baat kyuun parda-e-izhaar mein kho jaati hai us ke kaamon kaa hai rangin khushaamad pe madaar aur mehnat miri isaar mein kho jaati hai hurmat-e-parda zaruri hai 'ataa-ji' varna chiiz jaisi bhi ho baazaar mein kho jaati hai"

"kisi ki mehrbaani ho gai hai ayaan dil ki kahaani ho gai hai hare mausam ki pahli khvaahishein uf khushi gham ki divaani ho gai hai sabhi afraad ghar ke so gae hain bahut lambi kahaani ho gai hai rivaayat kaa hai ab bhi sahar qaaem har ik jiddat puraani ho gai hai pas-e-chehra milaa ik aur chehra 'aqidat paani paani ho gai hai"

"aakhiri hal thaa yahi pesh-e-nazar jaane diyaa ek gahri saans li phir khvaab mar jaane diyaa saarbaanaa de gavaahi mujh ko pyaari thi anaa rakh liyaa zaad-e-safar aur ham-safar jaane diyaa hazrat-e-naaseh ki khush-uftaadgi pe daad hai khud jidhar se aae the sab ko udhar jaane diyaa is harim-e-naaz mein yuun be-mahaabaa guftugu kuchh bharam rakkhaa to hotaa tum ko gar jaane diyaa tujh ko rokaa jaa rahaa thaa raushni thi jab talak shaam ke Dhalte samay suraj ko ghar jaane diyaa aankh sapne dekhti thi aansuon se kyon bhari chaahti to puchh leti main magar jaane diyaa dostaa qismat na ho to koshishein bekaar hain sabr kaa paimaana ham ne khud hi bhar jaane diyaa dil musir thaa baarhaa kuchh jaanchne ko ruk gae aakhirash us ne hamein baar-e-digar jaane diyaa"