khauf aisaa hai ki duniyaa ke sataae hue log — Abbas Rizvi

kyaa karun khilat o dastaar ki khvaahish ki mujhe
ziist karne kaa saliqa bhi ziyaan se aayaa

vo habs thaa ki tarasti thi saans lene ko
so ruuh taaza hui jism se nikalte hi

talab karein to ye aankhein bhi in ko de duun main
magar ye log in aankhon ke khvaab maangte hain

ajiib turfa-tamaashaa hai mere ahd ke log
savaal karne se pahle javaab maangte hain

bahut aziiz thi ye zindagi magar ham log
kabhi kabhi to kisi aarzu mein mar bhi gae

tamaam umr ki be-taabiyon kaa haasil thaa
vo ek lamha jo sadiyon ke pesh-o-pas mein rahaa

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

kisi ko saal-e-nau ki kyaa mubaarakbaad di jaae
calender ke badalne se muqaddar kab badaltaa hai

shaikh mujh ko na Daraa apni musalmaani thaam
ham faqiron kaa kisi rang se imaan na jaae

ab nahin koi baat khatre ki
ab sabhi ko sabhi se khatra hai

na koi dost na hamdam na aashnaa na habib
usi se khauf ziyaada jo hai ziyaada qarib