bas ek moD miri zindagi mein aayaa thaa — Abbas Tabish

jhonke ke saath chhat gai dastak ke saath dar gayaa
taaza havaa ke shauq mein meraa to saaraa ghar gayaa

mohabbat ek dam dukh kaa mudaavaa kar nahin deti
ye titli baiThti hai zakhm par aahista aahista

'taabish' jo guzarti hi nahin shaam ki had se
sochein to vahin raat sahar-khez bahut hai

ek muddat se miri maan nahin soi 'taabish'
main ne ik baar kahaa thaa mujhe Dar lagtaa hai

main jis sukun se baiThaa huun is kinaare par
sukun se lagtaa hai meraa qayaam aakhiri hai

muddat ke baad khvaab mein aayaa thaa meraa baap
aur us ne mujh se itnaa kahaa khush rahaa karo

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

chand ghanTon mein suraj nikal aaegaa tab ye ziina utar kar chali jaaiyo
zindagi dekh aage bayaabaan hai shama gul ho gai ruk ari raat hai

hamaari umr se baDh kar ye bojh Daalaa gayaa
so ham baDon se buzurgon ki tarah milte hain

zindagi Dhote hue log kahaan tak jaaein
koi is sang-e-garaan se nahin bach paayaa hai