chhup chhup ke jo aataa hai abhi meri gali mein — Abdul Hamid Adam

saaqi mujhe sharaab ki tohmat nahin pasand
mujh ko tiri nigaah kaa ilzaam chaahiye

ijaazat ho to main tasdiq kar luun teri zulfon se
sunaa hai zindagi ik khub-surat daam hai saaqi

savaal kar ke main khud hi bahut pashemaan huun
javaab de ke mujhe aur sharmsaar na kar

marne vaale to khair hain bebas
jiine vaale kamaal karte hain

mai-kada hai yahaan sukun se baiTh
koi aafat idhar nahin aati

ai gham-e-zindagi na ho naaraaz
mujh ko aadat hai muskuraane ki

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

mujhe us junun ki hai justuju jo chaman ko bakhsh de rang o bu
jo naved-e-fasl-e-bahaar ho mujhe us nazar ki talaash hai

khushbuon kaa nuzul hotaa thaa
pahle pattaa bhi phuul hotaa thaa

shaakh se kaT kar alag hone kaa ham ko gham nahin
phuul hain khushbu luTaa kar khaak ho jaaeinge ham