jo ye hindostaan nahin hotaa — Abdul Salam Bengluri

iid kaa din hai gale mil liije
ikhtilaafaat haTaa kar rakhiye

dil ki haalat bayaan nahin hoti
khaamushi jab zabaan nahin hoti

sher kahne ki tabiat na rahi
jis se aamad thi vo surat na rahi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

jab ki pahlu se yaar uThtaa hai
dard be-ikhtiyaar uThtaa hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

ham se koi taalluq-e-khaatir to hai use
vo yaar baa-vafaa na sahi bevafaa to hai

ye daur bhi kyaa daur hai is daur mein yaaro
sach bolne vaalon kaa hi anjaam buraa hai