buraa ho yaa-ilaahi dil-lagi kaa — Agha Mohammad Taqi Khan Taraqqi

duniyaa ke jo maze hain hargiz vo kam na honge
charche yunhi raheinge afsos ham na honge

jise ishrat-kada-e-dahr samajhtaa thaa main
aakhir-e-kaar vo ik khvaab-e-pareshaan niklaa

yaktaai pe hai naaz to itnaa bhi rahe yaad
tum saa mujhe to tum ko bhi mujh saa na milegaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ham to apnon se bhi begaana hue ulfat mein
tum jo ghairon se mile tum ko na ghairat aai

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

mohabbat karne vaale dard mein tanhaa nahin hote
jo ruThoge kabhi mujh se to apnaa dil dukhaaoge

khabar bhi hai tujhe is daftar-e-mohabbat ko
jalaane jalne mein kyaa kyaa zamaane lagte hain