DhunD ujDe hue logon mein vafaa ke moti — Ahmad Faraz

sunaa hai log use aankh bhar ke dekhte hain
so us ke shahr mein kuchh din Thahar ke dekhte hain

TuuTaa to huun magar abhi bikhraa nahin 'faraaz'
mere badan pe jaise shikaston kaa jaal ho

'faraaz' ishq ki duniyaa to khub-surat thi
ye kis ne fitna-e-hijr-o-visaal rakkhaa hai

judaaiyaan to muqaddar hain phir bhi jaan-e-safar
kuchh aur duur zaraa saath chal ke dekhte hain

zindagi teri ataa thi so tire naam ki hai
ham ne jaise bhi basar ki tiraa ehsaan jaanaan

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

duur ho kar bhi sunin tum ne hikaayaat-e-vafaa
qurb mein bhi vahi unvaan hai qarib aa jaao

kinaaron se mujhe ai naakhudaao duur hi rakkho
vahaan le kar chalo tufaan jahaan se uThne vaalaa hai

kyaa maslahat-shanaas thaa vo aadmi 'qatil'
majburiyon kaa jis ne vafaa naam rakh diyaa

ab na vo zauq-e-vafaa hai na mizaaj-e-gham hai
hu-ba-hu garche koi teri misaal aayaa thaa

kyuun kisi se vafaa kare koi
dil na maane to kyaa kare koi

mujhe maalum hai ahl-e-vafaa par kyaa guzarti hai
samajh kar soch kar tujh se mohabbat kar rahaa huun main