ab is ke tasavvur se bhi jhukne lagin aankhein — Ahmad Rahi

dil se dil nazron se nazron ke ulajhne kaa samaan
jaise sahraaon mein niind aai ho divaanon ko

mire habib miri muskuraahaTon pe na jaa
khudaa-gavaah mujhe aaj bhi tiraa gham hai

ab na kaaba ki tamannaa na kisi but ki havas
ab to zinda huun kisi markaz-e-insaan ke liye

dil ke sunsaan jaziron ki khabar laaegaa
dard pahlu se judaa ho ke kahaan jaaegaa

zindagi ke vo kisi moD pe gaahe gaahe
mil to jaate hain mulaaqaat kahaan hoti hai

kahin ye apni mohabbat ki intihaa to nahin
bahut dinon se tiri yaad bhi nahin aai

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

badalti rahti hain qadrein rahil-e-vaqt ke saath
zamaana badlegaa har shai kaa naam badlegaa

dard-e-dil zindagi ki khushi pi gayaa
ik samundar hamaari nadi pi gayaa

ye chhaanv chhaanv na rovo 'zahir' dil ko sambhaalo
Dhali hai shaam magar yuun koi divaana huaa hai