mire habib miri muskuraahaTon pe na jaa — Ahmad Rahi

dil se dil nazron se nazron ke ulajhne kaa samaan
jaise sahraaon mein niind aai ho divaanon ko

ab na kaaba ki tamannaa na kisi but ki havas
ab to zinda huun kisi markaz-e-insaan ke liye

dil ke sunsaan jaziron ki khabar laaegaa
dard pahlu se judaa ho ke kahaan jaaegaa

zindagi ke vo kisi moD pe gaahe gaahe
mil to jaate hain mulaaqaat kahaan hoti hai

har ek baat ke yuun to diye javaab us ne
jo khaas baat thi har baar hans ke Taal gayaa

kahin ye apni mohabbat ki intihaa to nahin
bahut dinon se tiri yaad bhi nahin aai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

larazti chhat shikasta baam-o-dar se baat karni hai
mujhe tanhaai mein kuchh apne ghar se baat karni hai

ye alag baat ki alfaaz hain mere lekin
sach to bas ye hai ki teri hi sadaa hai mujh mein

yuun to ashkon se bhi hotaa hai alam kaa izhaar
haae vo gham jo tabassum se ayaan hotaa hai