fart-e-gham-e-havaadis-e-dauraan ke baavajud — Ahmad Riyaz

main nukta-chin nahin huun magar ye bataaiye
vo kaun the jo hans ke gulon ko masal gae

gham-e-habib gham-e-zindagi gham-e-dauraan
kisi maqaam pe ham ji buraa nahin karte

kuchh is tarah se luTi hai mataa-e-dida-o-dil
ki ab kisi se bhi zikr-e-vafaa nahin karte

shikast-e-ahd-e-sitam par yaqin rakhte hain
ham intihaa-e-sitam kaa gilaa nahin karte

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

tu kahaan rahti hai puchhaa thaa kisi ne ek din
main ghamon ke saath rahti huun khushi kahne lagi

kiyaa dard-o-gham ne mujhe naa-umid
ki majnun ko ye hi thiin bimaariyaan

koi shikva na gham na koi yaad
baiThe baiThe bas aankh bhar aai