siine mein ik khaTak si hai aur bas — Aish Dehlvi

kalaam-e-mir samjhe aur zabaan-e-mirzaa samjhe
magar un kaa kahaa ye aap samjhein yaa khudaa samjhe

ai shama subh hoti hai roti hai kis liye
thoDi si rah gai hai ise bhi guzaar de

be-sabaati chaman-e-dahr ki hai jin pe khuli
havas-e-rang na vo khvaahish-e-bu karte hain

main buraa hi sahi bhalaa na sahi
par tiri kaun si jafaa na sahi

main baDaa ho gayaa huun magar bachpanaa
mere dil se kabhi bhi gayaa hi nahin

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

chaand ne taan li hai chaadar-e-abr
ab vo kapDe badal rahi hogi

dil-e-haris hi apnaa na ho sakaa qaane
vagarna tere karam mein to kuchh kami na rahi

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai