be-sabaati chaman-e-dahr ki hai jin pe khuli — Aish Dehlvi

kalaam-e-mir samjhe aur zabaan-e-mirzaa samjhe
magar un kaa kahaa ye aap samjhein yaa khudaa samjhe

siine mein ik khaTak si hai aur bas
ham nahin jaante ki kyaa hai dil

ai shama subh hoti hai roti hai kis liye
thoDi si rah gai hai ise bhi guzaar de

main buraa hi sahi bhalaa na sahi
par tiri kaun si jafaa na sahi

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

aankh ki ye ek hasrat thi ki bas puuri hui
aansuon mein bhiig jaane ki havas puuri hui

kahaan tak vaqt ke dariyaa ko ham Thahraa huaa dekhein
ye hasrat hai ki in aaankhon se kuchh hotaa huaa dekhein

tumhaari aarzu mein main ne apni aarzu ki thi
khud apni justuju kaa aap haasil ho gayaa huun main

aarzu ki be-hisi kaa gar yahi aalam rahaa
be-talab aaegaa din aur be-khabar jaaegi raat