apni muTThi mein chhupaa kar kisi jugnu ki tarah — Aleena Itrat

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

husn-o-jamaal-o-zist ki aaraaishein fuzul
ishq-o-junun ki aag jo dil mein javaan na ho

lo hamaaraa javaab le jaao
ye mahaktaa gulaab le jaao

Thiik hai jaao ta'alluq na rakheinge ham bhi
tum bhi vaada karo ab yaad nahin aaoge

jin ke mazbut iraade bane pahchaan un ki
manzilein aap hi ho jaati hain aasaan un ki

dil ke gulshan mein tire pyaar ki khushbu paa kar
rang rukhsaar pe phulon se khilaa karte hain

main baDaa ho gayaa huun magar bachpanaa
mere dil se kabhi bhi gayaa hi nahin

raat yuun dil mein tiri khoi hui yaad aai
jaise viraane mein chupke se bahaar aa jaae

uThaa laayaa kitaabon se vo ik alfaaz kaa jangal
sunaa hai ab miri khaamoshiyon kaa tarjuma hogaa

javaani se ziyaada vaqt-e-piri josh hotaa hai
bhaDaktaa hai charaagh-e-subh jab khaamosh hotaa hai

ab tak hamaari umr kaa bachpan nahin gayaa
ghar se chale the jeb ke paise giraa diye

ibtidaa se aaj tak 'naatiq' ki ye hai sarguzisht
pahle chup thaa phir huaa divaana ab behosh hai