kaam ab koi na aaegaa bas ik dil ke sivaa — Ali Sardar Jafri

inqalaab aaegaa raftaar se maayus na ho
bahut aahista nahin hai jo bahut tez nahin

sau milin zindagi se saughaatein
ham ko aavaargi hi raas aai

puraane saal ki ThiThuri hui parchhaaiyaan simTin
nae din kaa nayaa suraj ufuq par uThtaa aataa hai

daaman jhaTak ke vaadi-e-gham se guzar gayaa
uTh uTh ke dekhti rahi gard-e-safar mujhe

shikaayatein bhi bahut hain hikaayatein bhi bahut
mazaa to jab hai ki yaaron ke ru-ba-ru kahiye

ye kis ne phone pe di saal-e-nau ki tahniyat mujh ko
tamannaa raqs karti hai takhayyul gungunaataa hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dilon mein hubb-e-vatan hai agar to ek raho
nikhaarnaa ye chaman hai agar to ek raho

dil pe kuchh aur guzarti hai magar kyaa kiije
lafz kuchh aur hi izhaar kiye jaate hain

vo dil kaa TuTnaa to koi vaaqia na thaa
ab TuuTe dil ki kirchiyon ki dhaar se bacho

sukun-e-dil jahaan-e-besh-o-kam mein DhunDne vaale
yahaan har chiiz milti hai sukun-e-dil nahin miltaa