kise khabar ki safine Dubo chuki kitne — Allama Iqbal

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

nahin is khuli fazaa mein koi gosha-e-faraaghat
ye jahaan ajab jahaan hai na qafas na aashiyaana

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

saare jahaan se achchhaa hindostaan hamaaraa
ham bulbulein hain is ki ye gulsitaan hamaaraa

marne ke liye aae the ham dasht-e-balaa mein
jiine ki du'aa de gayaa darvesh hamein kyon

kabhi darvesh ke takiya mein bhi aa kar dekho
tang-dasti mein bhi aaraam mayassar niklaa

nigaah chaahiye bas ahl-e-dil faqiron ki
buraa bhi dekhun to mujh ko bhalaa nazar aae

ye baadshaah nahin hai faqir hai suraj
hamesha raat ki jholi se din nikaaltaa hai

dekhe na faqiri ko koi shak se hamaari
divaar mein dar bantaa hai dastak se hamaari

mushkilein dil mein nai shamein jalaa deti hain
gham se bujh jaanaa to durveshon kaa dastur nahin