khvaab aansu ehtajaaji zindagi — Amber Shameem

dhuup kaafi duur tak thi raah mein
lamha lamha ho gayaa paikar siyaah

saaebaan kyaa abr kaa TukDaa hai kyaa
dhuup to maalum hai saayaa hai kyaa

kaun detaa hai sadaaein mujh ko
kis ke honTon kaa asar baaqi hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

zindagi dard bhi davaa bhi thi
ham-safar bhi gurez-paa bhi thi

fikr-e-sukhan talaash-e-maaash o khayaal-e-yaar
gham kam huaa to haan dil-e-be-gham se hovegaa

gham ki duniyaa rahe aabaad 'shakil'
muflisi mein koi jaagir to hai