chaahti thi ki log kam hi milein — Ameeta Parsuram Meeta

barseingi aaj rahmatein aamad hai yaar ki
naayaab hain ye ghaDiyaan tire intizaar ki

par katar paai jab na khvaabon ke
band hi kar diin khiDkiyaan main ne

dafnaa diyaa thaa jin ko gunje hain har taraf ab
meri khamoshiyon ko aavaaz mil gai hai

meri saanson ne aaj dastak di
yaad aayaa ki haan main zinda huun

tumhein ham se mohabbat hai hamein tum se mohabbat hai
anaa kaa daaera phir bhi hamaare darmiyaan kyon hai

manzil apni DhunD rahe ho
rasta duuje kaa chalte ho

sabhi se jab mohabbat chaahte ho
mohabbat kyon nahin karte sabhi se

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

kisi se ishq apnaa kyaa chhupaaein
mohabbat Tapki paDti hai nazar se

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham