phir aaj kaise kaTegi pahaaD jaisi raat — Amjad Islam Amjad

kamaal-e-husn hai husn-e-kamaal se baahar
azal kaa rang hai jaise misaal se baahar

tiir aayaa thaa jidhar ye mire shahr ke log
kitne saadaa hain ki marham bhi vahin dekhte hain

vo saamne hai phir bhi dikhaai na de sake
mere aur us ke beach ye divaar kaun hai

jis taraf tu hai udhar hongi sabhi ki nazrein
iid ke chaand kaa didaar bahaana hi sahi

tumhi ne kaun si achchhaai ki hai
chalo maanaa ki main achchhaa nahin thaa

be-samar peDon ko chumeinge sabaa ke sabz lab
dekh lenaa ye khizaan be-dast-o-paa rah jaaegi

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

gulaabon ke honTon pe lab rakh rahaa huun
use der tak sochnaa chaahtaa huun

qulzum-e-fikr mein hai kashti-e-imaan saalim
naa-khudaa husn hai aur ishq hai langar apnaa

jab bhi ye sochne lagtaa huun ki kaun apnaa hai
zehn mein aa ke kai naam nikal jaate hain

vo ajab ghaDi thi main jis ghaDi liyaa dars nuskha-e-ishq kaa
ki kitaab aql ki taaq par juun dhari thi tyuun hi dhari rahi