shab ko ik baar khul ke rotaa huun — Anjum Khayali

aankh jhapkin to itne arse mein
jaane kitne baras guzar jaaein

koi tohmat ho mire naam chali aati hai
jaise baazaar mein har ghar se gali aati hai

kahaan milaa main tujhe ye savaal baa'd kaa hai
tu pahle yaad to kar kis jagah ganvaayaa mujhe

andheri raat hai saaya to ho nahin saktaa
ye kaun hai jo mire saath saath chaltaa hai

mire mazaar pe aa kar diye jalaaegaa
vo mere baa'd miri zindagi mein aaegaa

jaan qarz hai so utaarte hain
ham umr kahaan guzaarte hain

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

vo apne husn ki khairaat dene vaale hain
tamaam jism ko kaasa banaa ke chalnaa hai

baarish ke baa'd raat saDak aaina si thi
ik paanv paaniyon pe paDaa chaand hil gayaa

aankhon mein nahin silsila-e-ashk shab-o-roz
tasbih paDhaa karte hain din raat tumhaari