Duub kar main ne tufaan ki de di khabar — Anwar Mirzapuri

ai kaash hamaari qismat mein aisi bhi koi shaam aa jaae
ik chaand falak par niklaa ho ik chaand sar-e-baam aa jaae

mire ashk bhi hain is mein ye sharaab ubal na jaae
miraa jaam chhune vaale tiraa haath jal na jaae

mujhe phunkne se pahle miraa dil nikaal lenaa
ye kisi ki hai amaanat mire saath jal na jaae

abhi raat kuchh hai baaqi na uThaa naqaab saaqi
tiraa rind girte girte kahin phir sambhal na jaae

main nazar se pi rahaa huun ye samaan badal na jaae
na jhukaao tum nigaahein kahin raat Dhal na jaae

akelaa paa ke mujh ko yaad un ki aa to jaati hai
magar phir lauT kar jaati nahin main kaise so jaaun

vafaa-daari ba-shart-e-ustuvaari asl imaan hai
mare but-khaane mein to kaabe mein gaaDo birhman ko

gila likhun main agar teri bevafaai kaa
lahu mein gharq safina ho aashnaai kaa

ye kyaa zaruri ki sab baa-vafaa pukaarein hamein
koi to hai jo hamein bevafaa pukaartaa hai

ai samundar ki taraf dekhne vaale tu ne
apne tufaan kaa nazaara to kiyaa hotaa kabhi

vafaa kaa har chalan sikhlaa diyaa thaa
kisi ne bevafaa hone se pahle

main bhi kuchh khush nahin vafaa kar ke
tum ne achchhaa kiyaa nibaah na ki