vahshi raqs chamakte khanjar surkh alaav — Aqeel Nomani

muskuraane ki kyaa zarurat hai
aap yuun bhi udaas lagte hain

kuchh der us ne dekh liyaa chaand ki taraf
kuchh der aaj chaand ko itraanaa chaahiye

musaafir tiraa zikr karte rahe
mahaktaa rahaa raasta der tak

bas itni si baat thi us ki zulf zaraa lahraai thi
khauf-zada har shaam kaa manzar sahmi si har raat mili

miri vahshat mire sahraa mein un ko DhunDhti hai
jo the do-chaar chehre jaane pahchaane se pahle

baDi hi karbnaak thi vo pahli raat hijr ki
dobaara dil mein aisaa dard aaj tak nahin huaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

nishaan kyon DhunDhte ho ungliyon ke
qazaa aai thi dastaane pahan kar

ik shakl hamein phir bhaai hai ik surat dil mein samaai hai
ham aaj bahut sarshaar sahi par aglaa moD judaai hai

tum gae raunaq-e-bahaar gai
tum na jaao bahaar ke din hain