zindagi ham se tiri aankh-micholi kab tak — Arshad Jamal Sarim

dekh ai meri zabun-haali pe hansne vaale
vaqt ki dhuup ne kis darja nikhaaraa mujh ko

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

taa-umr tiraa naqsh-e-farozaan rahe mujh mein
ik zakhm ki surat mire maathe pe ubhar jaa

kis ki tanvir se jal uTThe basirat ke charaagh
kis ki tasvir ye aankhon se lagaai gai hai

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

umr bhar dekhaa kiye marne ki raah
mar gae par dekhiye dikhlaaein kyaa

ai dost is zamaan-o-makaan ke azaab mein
dushman hai jo kisi ko duaa-e-hayaat de

chhoTi hi umr mein allaah vazifa itnaa
abhi kyaa sin hai jo paDhte ho balaa ki tasbih

khizar bhi aap par aashiq hue hain
qazaa aai hayaat-e-jaavidaan ki