jab main us aadmi se duur huaa — Arshad Lateef

koi to moajaza aisaa bhi ho apni mohabbat mein
tire inkaar se iqraar ki surat nikal aae

ajab kashish hai tire hone yaa na hone mein
gumaan ne mujh ko haqiqat se baandh rakkhaa hai

khalaa kaa masala hi mukhtalif hai
samundar is qadar gahraa nahin hai

phailti jaa rahi hai ye duniyaa
jashn-e-aavaargi manaane mein

sabhi taabir us ki likh rahe hain
kisi ne bhi use dekhaa nahin hai

kis ke savaal par ye dil rotaa hai saari saari raat
kaun habib hai miraa tere khayaal ke sivaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

hain kushtagaan-e-sadaa aakhiri kinaare par
ai khaamushi tiri tarsil hone vaali hai

zahr si raat lahu aur ye ghamsaan kaa ran
dida-e-tar se qayaamat nahin dekhi jaati