kam jo Thahre jafaa se meri vafaa — Arzoo Lakhnavi

kah ke ye aur kuchh kahaa na gayaa
ki mujhe aap se shikaayat hai

nahin vo agli si raunaq dayaar-e-hasti ki
tabaah-kun koi tufaan thaa shabaab na thaa

dukh vo detaa hai us pe hai ye haal
lene jaataa huun jab nahin aataa

jazb-e-nigaah-e-shoabada-gar dekhte rahe
duniyaa unhin ki thi vo jidhar dekhe rahe

nazar bachaa ke jo aansu kiye the main ne paak
khabar na thi yahi dhabbe baneinge daaman ke

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

tabiat ki mushkil-pasandi to dekho
hasinon se tark-e-vafaa chaahtaa huun

main khaandaan ki paabandiyon se vaaqif thi
khudaa kaa shukr hai us shakhs ne vafaa nahin ki

nahin shikva mujhe kuchh bevafaai kaa tiri hargiz
gilaa tab ho agar tu ne kisi se bhi nibhaai ho

zindagi hai yaa koi tufaan hai!
ham to is jiine ke haathon mar chale

gumaan kahtaa hai meraa ki ek din mujh par
tiri vafaa tiri chaahat kaa maan barsegaa

phir usi bevafaa pe marte hain
phir vahi zindagi hamaari hai