rahein na rind ye zaahid ke bas ki baat nahin — Asad Multani

sharaab band ho saaqi ke bas ki baat nahin
tamaam shahar hai do chaar das ki baat nahin

asraar agar samjhe duniyaa ki har ik shai ke
khud apni haqiqat se ye be-khabari kyuun hai

ret par ik nishaan hai shaayad
ye hamaaraa makaan hai shaayad

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

pyaaso raho na dasht mein baarish ke muntazir
maaro zamin pe paanv ki paani nikal paDe

gham hai na ab khushi hai na ummid hai na yaas
sab se najaat paae zamaane guzar gae