tez itnaa hi agar chalnaa hai tanhaa jaao tum — Asim Wasti

sikhaa na duaaon mein qanaaat kaa saliqa
vo maang rahaa huun jo muqaddar mein nahin hai

log kahte hain ki vo shakhs hai khushbu jaisaa
saath shaayad use le aae havaa dekhte hain

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

tu mire paas jab nahin hotaa
tujh se kartaa huun kis qadar baatein

miri zabaan ke mausam badalte rahte hain
main aadmi huun miraa e'tibaar mat karnaa

kahin kahin to zamin aasmaan se unchi hai
ye raaz mujh pe khulaa siDhiyaan utarte hue

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

dard aur dard bhi judaai kaa
aise bimaar ki duaa kab tak

munh chhupaanaa paDe na dushman se
ai shab-e-gham sahar na ho jaae

hamaare ishq se dard-e-jahaan ibaarat hai
hamaaraa ishq havas se buland-o-baalaa hai