munh chhupaanaa paDe na dushman se — Zaheer Dehlvi

bujhaaun kyaa charaagh-e-subh-gaahi
mire ghar shaam honi hai sahar se

chaahat kaa jab mazaa hai ki vo bhi hon be-qaraar
donon taraf ho aag baraabar lagi hui

shirkat gunaah mein bhi rahe kuchh savaab ki
tauba ke saath toDiye botal sharaab ki

kuchh to hote hain mohabbat mein junun ke aasaar
aur kuchh log bhi divaana banaa dete hain

samjheinge na aghyaar ko aghyaar kahaan tak
kab tak vo mohabbat ko mohabbat na kaheinge

ishq kyaa shai hai husn hai kyaa chiiz
kuchh idhar ki hai kuchh udhar ki aag

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

gham bahut din muft ki khaataa rahaa
ab use dil se nikaalaa chaahiye

raat mili tanhaai mili aur jaam milaa
ghar se nikle to kyaa kyaa aaraam milaa

darvaaze par pahra dene
tanhaai kaa bhuut khaDaa hai