shajar mahfuz aangan kaa rakho tum — Avneesh Trivedi Abhay

ghar banaane mein 'umr lagti hai
ghar mein bante makaan dekhe hain

kaun rahtaa hai safar mein 'umr bhar
mustaqil koi Thikaanaa chaahiye

khiDki ke apni us ne bhi parde giraa liye
mere bhi raaste ki rukaavaT nahin rahi

tanhaaiyaan safar mein musalsal bani rahin
phir bhi tumhaaraa naam pukaare chale gae

khaTkhaTaayaa gayaa hai dar itnaa
dastakon ke nishaan dekhe hain

mujhe bhi paDh liyaa hotaa sabhi ne
miraa lahja agar akhbaar hotaa

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

us ko muddat hui sabr karte hue aaj ku-e-vafaa se guzarte hue
puchh kar us gadaa kaa Thikaanaa sajan apne 'inshaa' ko bhi dekh aanaa sajan

dhaDakti qurbaton ke khvaab se jaage to jaanaa
zaraa se vasl ne kitnaa akelaa kar diyaa hai

jis pari par mar miTe the vo pari-zaadi na thi
baad mein jaanaa ki us ke donon par hote the ham

dil to be-tarah meraa lag hi chalaa thaa us se
par main juun tuun ke bachaayaa ise khuddaari se