tanhaaiyaan safar mein musalsal bani rahin — Avneesh Trivedi Abhay

shajar mahfuz aangan kaa rakho tum
parinde chahchahaanaa chaahte hain

ghar banaane mein 'umr lagti hai
ghar mein bante makaan dekhe hain

kaun rahtaa hai safar mein 'umr bhar
mustaqil koi Thikaanaa chaahiye

khiDki ke apni us ne bhi parde giraa liye
mere bhi raaste ki rukaavaT nahin rahi

khaTkhaTaayaa gayaa hai dar itnaa
dastakon ke nishaan dekhe hain

mujhe bhi paDh liyaa hotaa sabhi ne
miraa lahja agar akhbaar hotaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

kisi ki yaad manaane mein iid guzregi
so shahr-e-dil mein bahut duur tak udaasi hai

aisi taraqqi par to ronaa bantaa hai
jis mein dahshat-gard corona bantaa hai